
Esnafên Amedê dê 3 rojan bihabûna ceyranê protesto bikin 

2022-02-13 16:51:43


	&nbsp;

	AMED - Esnafên Kuçeya Hunerê ya Amedê ragihandin ew ê sê rojan bihabûna ceyranê bi çalakiyên wek lembe girtinê û pêxistina findan protesto bikin.

	&nbsp;

	Esnafên Kuçeya Hunerê ya Amedê ku li Semta Ofîsê ne bi daxuyaniya çapemeniyê bihabûna ceyranê şermezar kirin. Di daxuyaniyê de dovîzên ku fatûreyên ceyranê protesto dikin hatin hildan. Gelek esnaf û endamên Yekîtiya Odeyên Esnaf û Sinetkaran a Amedê beşdarî daxuyaniyê bûn.&nbsp;

	&nbsp;

	DÊ SÊ ROJAN ÇALAKÎ LI DAR BIXIN&nbsp;

	&nbsp;

	Serokê Komeleya Kuçeya Hunerê Umît Umdu axivî û ew heyîrî mane ku wê çawa fatûreyên xwe razînin û êdî ew nizanin wê çi bikin gelo dê fatûreyên xwe an jî kirêyên xwe razînin. Umdu got ev batûreyên biha li ser pişta esnafan bûne bar û nikarin razînin. Umdu diyar kir ku esnaf dawiya her mehê dikevin nava hesabê dê çawa deynên xwe bidin û xwe xelas bikin. Umdu destnîşan kir ku ew dixwazin zemên hatine kirin paş ve bên kişandin û deynên ceyranê yê esnafan werin betalkirin. Umdu anî ziman ku ji bo ew dengê xwe ragihînin wê sê rojan li Kuçeya Hunerê saet di 19.00’an de 5 deqîqeyan çalakiya lembe tefandinê û pêxistina findan li dar bixin.&nbsp;

	&nbsp;

	Piştî daxuyaniyê esnafan sobeyên ceyranê danîn erdê û bihabûna fatûreyan şermezar kirin.&nbsp;

	&nbsp;