
Şaredariya AKP'î xana dîrokî bi betonê restore kiriye 

2021-04-16 09:08:53


	MÛŞ - Şaredariya Mûşê ya AKP'î Xana Yildizliyê ya xwedî dîrokeke 700 salî, bi betonê restore kiribû. Cihên hatine restorekirin hildiweşin.&nbsp;

	Şaredariya Mûşê ya AKP'î, di sala 2016'an de biryar girtibû ku Xana Yildizliyê ya dîrokî bê restorekirin. Piştî ku kar û barên îstimlaqkirinê bi dawî bûbûn, proje hatibû amadekirin û berpêşî Midûriyeta Desteya Parastina Heyînên Çandî ya Wanê hatibû kirin. Midûriyetê jî proje qebûl kiribû û şaredariyê ji bo hîbeyê wergire serî li Projeya Anatolyaya Rojhilatê (DAP) kiribû û DAP'ê hîbeyeke ji sedî 50 dabû. Piştî vê jî îhale hatibû destpêkirin. Fiyetê îhaleyê 900 hezar TL bû. Bi vî awayî 16 dikanên li xana dîrokî û derveyî xanê û qata wê ya jorê hatibûn restorekirin.&nbsp;

	&nbsp;

	Lê belê derveyî xanê û serê wê bi betonê hatibûn restorekirin. Ev yek zirar dabû hêla wê ya dîrokî. Ji xeynî vê dîwarên hewşa xanê û dîwarên dikanên wê jî bi heman awayî hatibûn restorekirin. Dikanên ku hê jî nayên bikaranîn û hatin restorekirin, niha hêdî hêdî deverên wan ên hatine restorekirin hildiweşin.&nbsp;

	&nbsp;

	XANA YILDIZLIYÊ&nbsp;

	&nbsp;

	Xana Yildizliyê, cihwareke dîrokî ya girîng e. Di sala 1307'an de ji aliyê Mîralaya Seyfî Begê bi keviran û li gor mîmariya Selçûkiyan hatiye çêkirin. Tê gotin berê wekî ticaretxaneyekê û otêlê hatiye bikaranîn.&nbsp;

	&nbsp;

	MA / Dîndar Karataş&nbsp;

	&nbsp;

	&nbsp;