
Şaredariya Bajarê Mezin a Amedê dê sînema û şanoya bêpere pêşkeş bike

2024-09-13 13:34:57


	AMED - Şaredariya Bajarê Mezin a Amedê, dê di meha îlonê de pêşandanên sînema û şanoyê, dengbêjiyê û konseran bêpere li dar bixe.

	&nbsp;

	Çalakiyên meha îlonê yên ji aliyê Serokatiya Daîreya Çand û Karûbarên Civakî ya Şaredariya Bajarê Mezin a Amedê ve tên organîzekirin, li Navenda Çand û Kongreyê ya Çand Amedê dest pê dikin. Dema destpêkirina hemû pêşandanên sînema û şanoyê yên bêpere, Dîwana Dengbêjan û konserê wê saet di 19.30’ê de be.

	&nbsp;

	FÎLMÊN DÊ BÊN PÊŞANDAN

	&nbsp;

	Çalakî dê di 14’ê îlonê de bi fîlmê “Di Navberê de” ku derhêneriya wê Alî Kemal Çinar dike, dest pê bike. Fîlma “Dayika Elîf" ya bi derhêneriya Kazim Oz û Semîr Aslanyurek ku xelat wergirtiye û pêvajoya siyasî ya Tirkiyeyê ya van demên dawî vedibêje, li ser esasê “Dayika Elîf” ku karaktereke mucîzeyî ya ku pêşerojê ava bûye, di 15’ê îlonê de derdikeve pêşberî temaşevanan.

	&nbsp;

	ŞANOYA BAJÊR A ŞAREDARIYA BAJARÊ MEZIN PERDEYÊN XWE VEDIKE&nbsp;

	&nbsp;

	Şanoya Bajêr a Şaredariya Bajarê Mezin a Amedê, di 20'ê îlonê de bi adaptasyona kurdî ya romana navdar a Cervantes Don Kixot perdeyên xwe vedike. Kesên ku bêriya lîstikê kirin dê di 27-28’ê îlonê de şensê temaşekirina lîstikê bibînin.&nbsp;

	&nbsp;

	Fîlma “Biryareke Zor” ku ji aliyê Ender Ozkahraman ve hatiye nivîsandin û derhêneriya wê dike, çîroka jineke ciwan a ku li Colemêrgê di atolyeya xalîçeyan de dixebite vedibêje û di xewna xwe de dibîne ku bi pereyê wê emeliyata pozê xwe bike. Fîlmê ku Şukran Aktî û Feyyaz Duman dileyîzin dê di 21’ê îlonê de derkeve pêşberî temaşevanan. Fîlma Pîrebok a ku Lutfî Îrdem li gel Nûrûllah Kaya nivîsandiye û derhênerê wê jî Îrdem e, di 22’yê îlonê de tê nîşandan.&nbsp;

	&nbsp;

	DÎWANA DENGBÊJAN

	&nbsp;

	Di nava çalakiyan de dîwana dengbêjan jî heye ku dê dengbêjên navdar beşdar bibin. Dîwana Dengbêjan dê di 24’ê îlonê de li Parkormana Peyasê bê danîn.&nbsp;

	&nbsp;

	Fîlma “Bîranînên li Ser Kevirê” ku derhêneriya wê Şevkat Emîn Korkî dike û Huseyîn Hesen û Nazmî Kirik dileyîzin, dê di 28’ê îlonê de bê nîşandan.

	&nbsp;

	GÊNCO

	&nbsp;

	Fîlma Gênco ya bi nivîs, derhêner û bi lîstikvaniya Alî Kemal Çinar ku di 28’emîn Mîhrîcana Fîlman a Navneteweyî ya Enqereyê de xelata fîlma herî baş girt jî di nava çalakiyan de cih digire. Fîlm dê di 29’ê îlonê de li navenda kongreyê bê nîşandan.

	&nbsp;

	DI FÎNALÊ DE DÊ KONSER BÊ LIDARXISTIN&nbsp;

	&nbsp;

	Çalakiyên îlonê dê bi konserekê bi dawî bibin. Di konsera ku dê di 29’ê îlonê de li Qada Şêx Seîd (Deriyê Çiyê) bê lidarxistin de Kardeş Turkuler û Koma Hevra dê derkevin ser dikê.

	&nbsp;