
Dêra Ardzvaperê roj bi roj tune dibe 

2017-10-26 09:23:31


	WAN – Dêra Ardzvaperê ya li gundê Dêra Jêr a Erdîşê ji ber xwedî derneketinê bi tunebûnê re rû bi rû maye.&nbsp;

	Dêra Ardzvaperê ya li gundê Dêra Jêr a Erdîşê ji ber xwedê derneketinê roj bi roj tune dibe. Defînevana dêrê kun kunî kiriye û li aliyê din jî bûye cihê sergoyê gundiyan. Aliyek qube û deriyên dêrê hilweşiyaye û cihê îbadetxaneya demekê niha tune dibe.&nbsp;

	&nbsp;

	LI HERÊMÊ GIRÎNGIYA DÊRA ARDZVAPERÊ HEYE

	&nbsp;

	Li gorî çavkanyên ermeniyan navê “Ardzvaper” ji bo firîna teyran tê gotin.&nbsp;

	&nbsp;

	Di çavkaniyan de tê xuyakirin ku dêr di nîveka sedsala 7’emîn de hatiye çêkirin û navê firîna teyr lê kirine. Di hin çavkaniyan de hatiye nivîsandin ku dêr diyarî Prens Mijej Kinûnî beriya zayînê di 637’an de yan jî Katolîkosê Yegya yê yekemîn ê di 703-717’an de ye. Li herêmê dêr di nav 3 dêrên girîng de cih digire. Didin zanîn ku di sala 1393’an de 60 xwendekarên dêrê hebûne û di serdema Serrahîp Garabed de a navbera salên 1409-1414’an de hatiye restorekirin. Di metnên berê de dêr wek cihek “bi heybet û mirêsdar” tê zanîn. Çavkaniyên herêmê didin zanîn k udi sedsala 19’emîn de hinek qubeya dêrê hilweşiyaye û pişt re nehatiye çêkirin. Hat destnîşan kirin ku dêr di 1896 û 1915’an de rastî êrîşê hatiye.&nbsp;

	&nbsp;

	Tê diyarkirin ku Dêra Ardzvaper piştî Şerê Cîhanê yê Yekemîn tê xespkirin dîwarên derdorê û hin avahiyên pê ve bi temamî hatine tunekirin.&nbsp;

	&nbsp;

	&nbsp;