
Li Fîlîpînê balafira leşkerî ket: 17 kesan jiyana xwe ji dest da

2021-07-04 12:39:11


	&nbsp;

	NAVENDA NÛÇEYAN - Wezareta Parastinê ya Fîlîpînê, daxuyand ku dema balafireke wan a leşkerî ku 85 kes têde bûne hewl daye dakeve, ketiye û 17 kesan jiyana xwe ji dest daye.&nbsp;

	&nbsp;

	Wezareta Parastinê ya Fîlîpînê ragihand ku dema balafireke wan a leşkerî ya tîpê C-130 ku 85 kes têde bûne hewl daye dakeve Girava Jolo ya girêdayî parêzgeha Sûlûyê, li Gundê Bangkal ê girêdayî bajaroka Patîkûlê ketiye. Wezîrê Parastinê Delfîn Lorenzana, daxuyand ku heta niha 40 kes ji qezayê hatine xelaskirin û herî kêm jî 17 kesan jiyana xwe ji dest daye. Lorenza, diyar kir ku di balafirê de 3 pîlot, 5 peywîrdarên kabînê hebûn û yên din jî hemû personelê eskerî bûn.&nbsp;

	&nbsp;

	Serfermandarê Giştî yê Fîlîpînê Cirilito Sobejana, têkildarî qezayê ev daxuyanî da: "Tîmên lêgerîn û xelaskirinê ji bo qezazedeyên din xelas bikin li herêmê xebatên xwe didomînin."&nbsp;

	&nbsp;