
Bîlançoya li Kerkûkê giran dibe: 4 ciwanên kurd hatin kuştin û qedexe hate rakirin  

2023-09-03 13:43:03


	NAVENDA NÛÇEYAN - Bîlançoya li bajarê Kerkûkê her ku diçe giran dibe. Di êrişa hêzên hikûmeta Iraqê de 4 ciwanên kurd hatin qetilkirin, 15 kes birîndar bûn û îro qedexe hate rakirin.&nbsp;

	&nbsp;

	Li dijî girtina rêya bejahî ya Kerkûk-Hewlêrê ku Eniya Tirkmen û komên sûnî yên selefî pêk anîn, kurdên li Kerkûkê di 2'yê îlonê de çalakiyên şermezarkirinê li dar xistin. Li dijî çalakvanan bi çekan êriş hate kirin û bîlanço giran dibe.&nbsp;

	&nbsp;

	4 CIWAN HATIN QETILKIRIN

	&nbsp;

	Li gorî nûçeya Rojnewsê, di êrişa hêzên ewlekariyê yên Iraqê de ciwanên kurd ên bi navên Hawkar Ebdullah, Hisên Sabîr, Heval Star û Hawrê Ekber jiyana xwe ji dest dan û 15 kes jî birîndar bûn.

	&nbsp;

	QEDEXE HATE RAKIRIN

	&nbsp;

	Ofîsa Serokwezaretiyê ya Iraqê ragihand ku piştî bûyerên li Kerkûkê rû dan, li navenda bajêr qedexeya derketina derve hatiye ragihandin. Ketin û derkretina hemû kolanên li Kerkûkê hatin girtin. Qedexeya derketina derve îro di danê sibehê de hate rakirin. Li Kerkûkê rewş bêdeng e.

	&nbsp;

	Tê payin ku Serokwezîrê Iraqê Mûhammed Şiya Sûdanî îro bi parlamenterên Kerkûkê re rûnê. Di hevdîtinê de wê bi nûnerên hemû pêkhateyên Kerkûkê rewşa dawî bê nirxandin.&nbsp;

	&nbsp;