
Li îranê 9 kes hatin darvekirin 

2023-10-23 19:51:26


	&nbsp;

	NAVENDA NÛÇEYAN– Tora Mafên Mirovan a Kurdistanê, daxuyand ku di meha Îlonê de li bajarên cuda yên Îranê 9 kes hatine darvekirin.&nbsp;

	&nbsp;

	Tora Mafên Mirovan a Kurdistanê, daneyên meha Îlonê yên binpêkirinên mafan ên li Îranê daxuyandin.&nbsp;

	&nbsp;

	Li gor daxuyaniyê di nava meha Îlonê de 14 kolber ji aliyê leşkerên rejîma Îranê ve hatin birîndarkirin û 2 kolber jî hatin kuştin. Di daxuyaniyê de hat diyarkirin ku 2 kolber jî ji ber teqîna mayinan jiyana xwe ji dest dane. Her wiha di daxuyaniyê de hat gotin ku li Serdeşt û Pîranşahê jî 3 jin ji aliyê xizmên xwe ve hatine kuştin.&nbsp;

	&nbsp;

	48 KES HATINE BINÇAVKIRIN

	&nbsp;

	Di daxuyaniyê hat diyarkirin ku 48 welatî ji ber tevlî çalakiyên sivîl û siyasî bûne li Urmiye, Sinê, Îlam û Tehranê hatine binçavkirin û ji wan hin kes hatine girtin.&nbsp;

	&nbsp;

	&nbsp;

	9 KES HATIN DARVEKIRIN

	&nbsp;

	Di daxuyaniyê de hat destnîşankirin ku li Sinê, Seqiz, Mehabad, Îlam, Urmiye, Meşhed û Kirmanşayê der barê 11 kesan de biryara darvekirinê hatiye dayîn û li girtîgehên Xoremawa, Hemedan û Kereçê 9 kurd hatine darvekirin. Her wiha hat daxuyandin ku girtiyên bi navê Neyîb Eskerî û Abdulezîz Gul Mihemedî jî li girtîgehên Urmiyeyê dest bi greva birçîbûnê kirine. &nbsp;