
Li Vîetnamê bîlançoya Bagera Yagî 197 kes mirin, 128 kes winda ne

2024-09-12 10:39:43


	NAVENDA NÛÇEYAN - Li Vîetnamê ji ber hêhî, hezaz û Bagera Yagiyê heta niha 197 kes jiyana xwe ji dest dan, 128 kes jî winda bûn.&nbsp;

	Li gorî bîlançoya fermî ya rayedarên Wezareta Çandiniyê ya Vietnamê, di hezaz û lehiyên ji ber Bagera Yagiyê çêbûne de herî kêm 197 kesan jiyana xwe ji dest dan, 128 kes jî winda bûn.

	&nbsp;

	ZEVIYÊN ÇANDÎNIYÊ XESAR DÎTIN

	&nbsp;

	Wezaretê diyar zêdetirî 250 hezar hektar qada çandiniyê xesar dîtiye. Li gorî pisporên meteorolojiyê, Yagî bû bagera herî xurt a ku 30 salên dawî ye û bandor li bakurê Vîetnamê kiriye.

	&nbsp;

	Ji ber bagera ku hêza wê saetê gihîşt 149 kîlometreyan, pir hilweşiyan, banê avahiyan xera bûn û xisar li febrîqeyan çêbû.

	&nbsp;

	Ji ber bagerê lehiyên mezin li bakurê welêt rabû. Gelek gund di nava avê de man û bi hezaran mirov ji cih û warên xwe bûn.&nbsp;

	&nbsp;

	Li herêmeke quntarê paytext Hanoiyê, lehiyê bandor li zêdetirî 15 hezar kesî kir. Herwiha ji ber bagerê 1,5 mîlyon mirîşk, werdek û gelek çêl, beraz jî mirin.&nbsp;

	&nbsp;