
Xelef: Êriş li dijî serweriya Iraqê ye 

2020-04-16 13:39:37


	&nbsp;

	NAVENDA NÛÇEYAN - Berdevkê Artêşa Iraqê Evdilkerim Xelef têkildarî êrişa TSK'ê ya li Mexmûrê diyar kir ku divê Enqere amade be hesabê wê bide.

	&nbsp;

	Nerazîbûna li hemberî êrişa TSK'ê ya duh li dijî Mexmûrê pêk anî û 3 jinan jiyana xwe ji dest dan didomin. Berdevkê Artêşa Iraqê Evdilkerîm Xelef têkildarî mijarê daxuyaniyek da. Daxuyanî di qenaleke medya dîjîtal a Pona hate weşandin. Xelef diyar kir ku ev êriş binpêkirina serweriya axa Iraqê ye. Xelef destnîşan kir ku ev nêzîkatiyeke dijminane ye û divê Enqere amade be hesabê vê bide. Balafiran duh êrîş kiribûn û di êrîşê de 3 jinan jiyana xwe ji dest dabûn.&nbsp;

	&nbsp;

	EL HEKÎM JÎ ŞERMEZAR KIR

	&nbsp;

	Serokê Tevgera Hikmet a Neteweyî Ammar El Hekim ji êrîş şermezar kir. El Hekim, li ser hesabê medya civakî daxuyanî da û diyar kir ku li ser navê kê dibe bila bibe, binpêkirina li ser axa Iraqê nayê qebûlkirin.&nbsp;

	&nbsp;