
Akademîsyena Aştiyê Bozdag beraet kir  

2020-06-18 12:35:20


	&nbsp;

	STENBOL - Akademîsyena Aştiyê Lutfiye Bozdag, ku danezana “Em nabin şirîkê vî sûcî" îmze kiribû û doz lê hatibû vekirin, li gel biryara Destûra Bingehîn disa sewqî dadgehê kirin. Bozdag li dadgehê beraet kir.&nbsp;

	&nbsp;

	Danişîna doza Akademîsyena Aştiyê Lutfiye Bozdag ku bi hinceta danezana "Em nabin şirîkê vî sûcî" îmze kiribû û doz lê hatibû vekirin li 37'emîn Dadgeha Cezayên Giran a Stenbolê hat dîtin. Bozdag, berî tev li danişînê bibe li pêş dadgeha Edliyeya Çaglayanê daxuyanî da.&nbsp;

	&nbsp;

	Parêzerê Bozdag, Meriç Eyuboglu, anî ziman ku Dadgeha Destûra Bingehîn (AYM), diyar kir ku îmzekirina belgeya "Ez nabim şirîkê vî sûcî" ne suc e û wiha got: "Di ser biryara Dadgeha Destûra Bingehîn re 11 meh derbas bû. Îro dîsa Lutfiye Hoca û di meha tîrmehê de jî Gençay Gursoy û Şebnem Korur Fincanci dê dîsa derkevin pêşberî 37'emîn Dadgeha Cezayên Giran a Stenbolê. Akademîsyenên ku tên darizandin, darizandina wan li dijî hiqûqê ye. Bi vê yekê aşkere daraz tê binpêkirin."&nbsp;

	&nbsp;

	‘DAXWAZA AŞTIYÊ NAYÊ DARIZANDIN'

	&nbsp;

	Akademîsyena Aştiyê Lutfiye Bozdag jî &nbsp;anî ziman ku li gel rîska vîrûsa corona dîsa akademîsyenên aştiyê derdixin pêşberî dadger û wiha got: "Em carek din daxwaza xwe ya aştî û edaletê dubare dikin. Em li pêş edliyê carek din gotina xwe dubare dikin. Daxwaza aştiyê nayê darizandin."&nbsp;

	&nbsp;

	Di danişînê de Lutfiye Bozdag û Prz. Meriç Eyuboglu amade bûn. Prz. Meriç Eyuboglu anî ziman ku di ser biryara AYM'ê re 11 meh borîn û xwest muwekîla wê beraat bike. Piştî parastinê heyetê biryar da. Heyetê biryara AYM'ê li ber çavan girt û der barê Bozdag da biryara beraetê da.&nbsp;