
Baskê meşa Colemêrgê ber bi Edeneyê ve derketin rê 

2020-06-19 11:52:33


	AMED – Parlamenter û rêveberên HDP’ê bernameya xwe ya “Meşa Demokrasiyê” ku ji Colemêrgê hatin Amdê temam kirin û ber bi Edeneyê ve derketin rê.&nbsp;

	&nbsp;

	HDP meşa xwe ya “Li dijî darbeyê meşa demokrasiyê” ku ji baskê Colemêrgê û Edîrneyê ber bi Enqereyê ve dabû destpêkirin didome. Parlamenter û rêveberên HDP’ê yên baskê meşa Colemêrgê li Amedê bernameya xwe bi dawî kirin. HDP’yî li derketina Amedê li petrolekê kom bûn û li vir bi coş ber bi Edeneyê ve derketin rê.&nbsp;

	&nbsp;

	POLÎSAN XWEST GIRTINA WÊNE ASTENG BIKIN&nbsp;

	&nbsp;

	HDP’iyan xwest li vir wênek komî bigirin lê polîs bûn asteng. Li ser vê yekê din ava HDP’yî û polîsan de gengeşe derket. Polîsan HDP’iyan dorpêç kir û nehiştin rojnameger wêne û dîmenan bikişînin. HDP’iyan jî bi çepikan helwesta polîsan protesto kir.&nbsp;

	&nbsp;

	DERKETIN RÊ&nbsp;

	&nbsp;

	Tevî astengiya polîsan jî HDP’iyan wêneyê komî girtin û rêveberên HDP’a Amedê bi berzkirina dirûşma “Bijî berxwedana HDP’ê” û lêdana çepikan meşvanan oxir kirin. HDP’yî ber bi Edeneyê ve derketin rê. Tê payîn meşa HDP’ê sibê li Enqereyê bi dawî bibe.&nbsp;

	&nbsp;