
Polîsan bi tundî mudaxileyî serokên baroyan kir

2020-07-03 16:14:06


	&nbsp;

	ENQERE – Serokên baroyan ên li dijî pergala “pir baroyan” di çalakiyê de û piştî daxuyaniya li ber Edliyê xwestin ber bi Meclîsê ve bimeşin polîsan ew asteng kirin. Polîsan bi awayek tund mudaxileyî serokên baroyan kir.&nbsp;

	&nbsp;

	Serokên baroyan li Enqereyê li dijî teklîf ango daxwaza “pir baroyan” a AKP’ê li Enqereyê kom bûne. Li ser vê teklîfê li Meclîsê hevdîtin di navbera partiyan de tê kirin. Serokên baroyan û parêzer ji duh ve li ber deriyê Meclîsê di çalakiyê de ne. Serokên baroyan çûn ber Edliya Enqereyê daxuyanî dan û giliyê qedexeya çalakiya xwe kirin. Piştî daxuyaniyê serokên baroyan xwestin dîsa bimeşin ber deriyê Meclîsê. Polîsan rêya wan birî û geneşî di navbera wan de derket. Bi hezaran parêzer dirûşmên “Qutifandin tune berxwedan heye”, “li dijî faşîzmê serî rake” û “Parastin bêdeng nebû û wê bêdeng nebe” berz kirin.&nbsp;

	&nbsp;

	POLÎSAN BI TUNDÎ MUDAXILEYÎ HIQÛQZANAN KIR&nbsp;

	&nbsp;

	Parêzeran bariyên ber Edliyê derbas kirin. Polîsan xwe li meşa parêzeran negirt û bi awayek tund mudaxile kirin. Polîsan di mudaxileyê de gaza îsotê bikar anî. Hat gotin astengkirin û qedexeya çalakiya serokên baroyan li ser daxwaza Walîtiya Enqereyê pêk tê. Rageşiya navbera parêzeran û polîsan didome.&nbsp;

	&nbsp;