
Çalakiyên li Belarûsê di roja duyemîn de didomin

2020-08-11 11:10:32


	ENQERE – Çalakiyên ku piştî hilbijartinên hat aşkerakirin Serokdewletê Belarûsê Aleksandr Lukaşenko bi ser ketiye, dest pê kiribûn, di roja duyemîn de didomin. Di çalakiyan de çalakger jiyana xwe ji dest da.

	&nbsp;

	Roja yekşemê li Belarûsê hilbijartinên serokdewletiyê pêk hatin û hat aşkerakirin ku Serokdewlet Aleksandr Lukaşenko bi ser ketiye. Li gorî Saziya Hilbijartinê ya Belarûsê, di hilbijartinên bi nîqaş de Lûkaşenko ji sedî 80’yê dengan girt û careke din bûye serokdewlet.&nbsp;

	&nbsp;

	ENCAMAN QEBÛL NEKIR

	&nbsp;

	Hevrika Lûkaşenko Svetlana Tikhanovskaya li dijî van encaman derket û got ku di hilbijartinan de ew bi ser ketiye lê Lûkaşenko xwe bi hîleyan bi ser xistiye. Piştî angaştên k udi hilbijartinê de çavdêr tunebûne û lêkolîn nehatine kirin, li welat çalakiyên li dijî Lûkaşenko dest pê kirin.&nbsp;

	&nbsp;

	ÇALAKÎ DIDOMIN

	&nbsp;

	Çalakiyên ku destpêkê li paytexta welat Minskê dest pê kirin, di roja duyemîn de jî berdewam kirin. Di çalakiyan de polis û çalakger tên hemberî hev û polis bi fîşekin plastîk, bombeyên ku çav şêl dikin û bombeyên deng êrîşê çalakgeran dikin û hewl didin wan ji hev bleav bikin.&nbsp;

	&nbsp;

	KESEK MIR

	&nbsp;

	Wezareta Karê Hundir a Belarûs, ragihand ku çalakgerekî di destê wî de teqemenî teqiyaye û ji ber vê jiyana xwe ji dest daye. Ev mirin bûn mirina yekemîn a çalakiyan. Ji ber çalakiyan ji 3 hezaran zêdetir kes hatine binçavkirin û hinek ji wan hatine girtin.&nbsp;

	&nbsp;

	Li aliyê din birîna înternetê ku bi destpêkirina çalakiyan de dest pê kir jî didome.&nbsp;

	&nbsp;

	&nbsp;