Heyeta KCD û DBP'ê li Mêrdînê seredana rêxistinên civaka sivîl kir

2020-08-17 19:19:25


	 

	MÊRDÎN - Heyeta KCD û DBP'ê di çarçoveya "Bernameya Têkoşîna Demokratîk" de li Mêrdînê seredana rêxistinên civaka sivîl kir. 

	 

	Kongreya Civaka Demokratîk (KCD) û Partiya Herêmên Demokratîk (DBP) ku ji bo piştgiriyê bidin "Bernameya Têkoşîna Demokratîk" a HDP'ê li Mêrdînê seredana rêxistinên civaka sivîl kirin. Hevserokê KCD'ê Berdan Ozturk û Hevseroka Giştî ya DBP'ê Salîha Aydenîz û Parlementera HDP'ê ya Mêrdînê Pero Dundar û rêvebiriya HDP'a bajêr di heyetê de cih girtin. Heyetê seredana Baroya Mêrdînê, Desteya Koordînasyona Bajêr a TMMOB'ê û Şaxa Sendîkaya Genel-Îşê kir. 

	 

	Heyetê di seredana xwe de, li ser pêvajoya siyasî ya Tirkiyeyê û gelek tiştên din danûsendin kir û roja ewil a bernameya Mêrdînê bi dawî kir.