
Wê HDP zîncîra aştiyê ava bike 

2020-08-18 11:27:52


	&nbsp;

	ENQERE – Wê HDP gava sêyemîn a “Bernameya Têkoşîna Demokratîk” bi şîara “Em hemû bi hev re li vîna xwe xwedî derdikevin” li Mêrdîn û Stenbolê bide destpêkirin. Wê kampanya, bi “çalakiya zîncîrên aştiyê” ku roja 1’ê Îlonê bên lidarxistin, bi dawî bibe.&nbsp;

	&nbsp;

	Wê HDP’ê sibê starta gava sêyemîn a “Bernameya Têkoşîna Demokratîk” li Mêrdîn û Stenbolê bide. HDP ku di gava yekemîn a bernameyê de “meşên demokrasiyê” û di gava duyemîn de jî “hevdîtinên demokrasiyê” pêk anî, wê di gava seyemîn de bernameya xwe ya têkoşîna demokratîk bi dawî bike.&nbsp;

	&nbsp;

	WÊ BI DAXUYABIYAN DEST PÊ BIKE

	&nbsp;

	Dûrişmeya gava sêyemîn a kampanyayê weke “Tev bi hev re li dijî şer aştî, li dijî tecrîdê azadî” hat diyarkirin. Wê gava sêyemîn, li Stenbolê Hevseroka Giştî Pervîn Bûldan û li Mêrdînê jî Hevserokê Giştî Mîthat Sancar, bi daxuyaniyên ku bi şîara ““Em hemû bi hev re li vîna xwe xwedî derdikevin” bidin, dest pê bike. Wê di daxuyaniyan de raporên “derbeyên” qeyûman ên li dijî nasnameya kurdan û jinan bên parvekirin.&nbsp;

	&nbsp;

	HEVDÎTINÊN GEL

	&nbsp;

	Di çaroveya kampanyayê de wê di navbera 20 û 28’ê tebaxê de bi beşdariya hevserokên giştî li Dîlok, Agirî, Mûş, Mûgla, Manîsayê hevdîtin gel û serdanên esnafan pêk bên.

	&nbsp;

	Her wiha wê heyetên HDP’ê di navbera 15 û 17’ê tebaxê de li bajarên herêmê û rojava bi dûrişmeya “Tev bi hev re li dijî şer aştî, li dijî tecrîdê azadî” serdanên rêxistinên sivîl û saziyan bikin.&nbsp;

	&nbsp;&nbsp;

	BI ÇALAKIYÊN ZÎNCÎRA AŞTIYÊ FÎNAL&nbsp;

	&nbsp;

	Wê deklerasyona encama têkoşîna bernameya 3 mehan jî di 31’ê tebaxê de bi raya giştî re bê parvekirin. Di 1’ê Îlonê Roja Aştiyê ya Cîhanê de jî fînala kampanyayê pêk bê. Di 1’ê Îlonê de jî wê li Stenbol, Amed, Edene, Antalya, Riha, Wan, Enqere û Îzmîrê &nbsp;“çalakiyên zîncîrên aştiyê” bên kirin.

	&nbsp;