
Wexta berhevkirina îsotên Rihayê ye

2020-08-26 09:05:14


	RIHA – Wexta berhevkirina îsota bi nav û deng a Rihayê dest pê kir.&nbsp;

	Gava behsa Rihayê tê kirin, ji tiştên ewilî tê bîra mirov yek jê jî îsota wê ye. Li gorî daneyên TUÎK'ê yên sala 2019'an par 240 hezar û 265 ton îsot hatiye berhvekirin û ji vê îsotê 103 hezar û 803 ton li Rihayê hatiye berhevkirin. Îsota tê berhevkirin dawiyê tê hûrkirin û pê salçe tê çêkirin.

	&nbsp;

	Mîkaîl Taş, li Taxa Kûrtûlûş a Bêrecûkê li ber mala xwe atolyeyek çêkiriye û li v atolyeyê îsotê hûr dike û salçeyê çêdike.&nbsp;

	&nbsp;

	Taş, behsa çêkirina salçeya îsotan kir û got, ewilî bizirê nava îsota dineqînin û dû re îsotan li ser banê xênî li ber tavê radiin. Taş got: "Paşê em wan li makîneyê dixin û dixin qofeyan. Wan qofeyan jî dibin ser banê xênî dibin ber tavê. Du rojan li ber tavê dimîne û dû re em zeytê û xwê lê dikin."&nbsp;

	&nbsp;

	Taş, îdia kir ku îsot ji bo nexweşîna pençeşêrê û nexweşîna şekir û tansiyonê baş e û got: "Wekî jehrkujê ye. Tu têxî nava kîjan xwarinê, ew xwarin xweş dibe. Em kîloya wê bi 40-45 lîreyan difiroşin. Em nêzî 10 ton îsot hildiberînin. Heger daxwaza zêde be em zêdetir hildiberînin. Heya li Stenbol, Îzmîr, Antalya û Eskîşehîrê jî kiroxên me hene."&nbsp;

	&nbsp;

	Taş, diyar kir ku ew û malbata xwe vî karî dikin û îsota ku çêdikin tu tiştî tevlê nakin. Taş, derpêş kir ku îsota li hin fabrîkeyan tê çêkirin di navê de boyax heye û got: "Gava tu îsotê têxî nava avê, çi tevlê hatibe kirin diyar dibe. Divê mirov îsota malê bi kar bînin."&nbsp;