
Şewata li Çiyayê Cûdî belav dibe

2020-08-29 16:29:42


	&nbsp;

	ŞIRNEX - Şewata ku duh li Çiyayê Cûdî derket her ku diçe belav dibe. Welatiyên ku li herêmê hewl didin şewatê vemirînin, ragihandin ku agir gav bi gav mezin dibe.

	&nbsp;

	Li gundên Cifanê, Gundikê Remo û Nêvava yên girêdayî navenda Şirnexê ku dikevin qûntara Çiyayê Cûdî duh bi seatên şevê şewat derket. Agirê ku li qada daristanê belav dibe didome.

	&nbsp;

	'BILA CÎHAN HEMÛ BIBÎNE CÛDÎ DIŞEWITE'

	&nbsp;

	Welatiyên ku ji bo vemirandina şewatê di nav hewlêdanê de ne ragihandin ku şewat pêl bi pêl zêde dibe û gotin: "Em mudexile dikin, lê mudexileya me têrê nake. Li derdorê av nîne. Ekîbên agirkujiyê nayên. Em 5-6 mirov hewl didin ku agir vemirînin, lê têrê nakin. Her cihekî vedimirînin agir dîsa derdikeve û didome. Kesek bi me ve eleqedar nabe. Bila cîhan hemû bibîne Çiyayê Cudî dişewite."

	&nbsp;

	&nbsp;