
Ji ber karantînayê biryar dîsa nehat dayîn 

2020-09-04 14:15:07


	&nbsp;

	&nbsp;

	ENQERE –&nbsp;Di doza Eylûl Yaglikara ya hatibû qetilkirin de bi hêceta parêzerê bersûc di karantînayê de ye bîryar dîsa nehat dayîn.&nbsp;

	&nbsp;

	Eylul Yaglikaya ya 8 salî di hezîrana 2018’an de li navçeya Polatli ya Enqereyê winda bûbû û piştî hefteyekê cenazeyê wê hatibû dîtin. Derketibû holê ku Ûgûr Koçyîgît destdirêjî Eylûla biçûk kiriye û wê qetil kiriye. Têkildarî mirina Eylûla biçûk doza ku hatibû vekirin rûniştina wê ya 8’emîn li 7’emîn Dadgeha Cezayê Giran a Enqereyê hat dîtin.&nbsp;

	&nbsp;

	Kujer Ûgûr Koçyîgît bi sûcên “bi qestî kuştiye” û “li dijî zarok îstîsmara zayendî ya bi wesf pêk aniye” cezayê heta hetayê û 39 sal cezayê girtîgehê tê darizandin. Dayika Koçyîgît, Hûriye Koçyîgît jî bi hêceta ku alîkarî kiriye bi daxwaza 20 sal cezakirinê negirtî tê darizandin.&nbsp;

	&nbsp;

	Piştî tespîta nasnameyan rûniştina dozê dest pê kir û gelek kes beşdarî dozê bûn. Bersûc ji girtîgehê bi rêya dîmen û deng (SEGBÎS) beşdarî rûniştinê bû û Hûriye Koçyîgît jî li eywana dadgehê hazir bû.&nbsp;

	&nbsp;

	Ji parêzerên malbata Yaglikara Hîkmet Tepe xwest ku Hûriye Koçyîgît jî were girtin û bi awayek girankirî were cezakirin.&nbsp;

	&nbsp;

	‘DIJ EHLAQÎ YE’&nbsp;

	&nbsp;

	Ji parêzerên malbatê Fûdna Sadikahmet Alp jî got ev bûyer ne di ehlaq û ne jî di wîjdanan de cih nagire û xwest bersûc bi awayên girankirî werin cezakirin.&nbsp;

	&nbsp;

	Dayika Yaglikara, Şerîfe Yaglikara jî da zanîn ku kezeba wê dişewite û xwest ku êdî Eylûlên din wisa bi hovîtî neyên kuştin û divê bersûc bi girankirî werin cezakirin.&nbsp;

	&nbsp;

	Bi hêceta ku parêzerê bersûc di bi sedema vîrûsa koronayê di karantînayê de ye nikaribû beşdarî dozê bibe şandeya dadgehê rûniştina dozê taloqî 6’ê mijdarê kir.&nbsp;

	&nbsp;

	Piştî danişînê beşdarên dozê, parêzer û malbatê li ber dadgehê daxuyanî dan çapemeniyê û nerazîbûn nîşan dan û xwestin êdî edalet pêk were.&nbsp;

	&nbsp;

	&nbsp;