
Doza ‘wêneyê albûmê’ li Ferhat Tûnç hat vekirin 

2020-09-08 14:21:36


	&nbsp;

	STENBOL – Derbarê hunermend Ferhat Tûnç de bi boneya wêneyê albûma wî ya “Sirûd û Zêmar” û parvekirinên medya civakî dozek nû lê hat vekirin.&nbsp;

	&nbsp;

	Hunermend Ferhat Tûnç ji gelek dozên derbarê wî de hatine vekirin tê darizandin. Lê lêpirsîn li ser lêpirsînê derbarê Tûnç de tên vekirin û vediguherin dozan. Serdozgeriya Komarê ya Stenbolê derbarê Tûnç de bi boneya wêneyê pêşengên tevgerên ciwanên şoreşger ên Tirkiyê Denîz Gezmîş, Mahîr Çayan û Îbrahîm Kaypakkaya li ser albûma wî dawî ya bi navê “Sirûd û Zêmar” hene wek sûc dîtiye û îdianame amade kiriye. Dozgeriyê her wiha parvekirinên medya civakî jî li dosyeyê zêde kiriye. Îdianame ji aliyê 37’emîn Dadgeha Cezayê Giran a Stenbolê ve hat pejirandin û dadgehê vê dosyeya Tûnç bi dozek wî din ve kir yek.&nbsp;

	&nbsp;

	Tûnç têkildarî doza derbarê wî de hatiye vekirin axivî û diyar kir ku dixwazin bi van dozan hêvî û armanca wî bişkînin û albûma wî ji zêmarên 30-40 berê pêk tê û wêneyê albûma wî jî wê demê tîne ziman. Tûnç got ew ê dest ji nirxên pê bawer e bernede.&nbsp;

	&nbsp;