
 Qurbaniyên Komkujiya Garê hatin bibîranîn: Em ê bi daxwazên aştiyê bikevin sala 5’emîn 

2020-09-10 11:51:58


	ENQERE – Seroka Komeleya 10’ê Cotmehê Mehtap Sakîncî Çoşgûn, di bîranîna meha 59’emîn a Komkujiya Garê de, diyar kir ku wê bi daxwaza xwe ya aştiyê ya bikevin sala 5’emîn. &nbsp;&nbsp;

	&nbsp;Di meha 59’emîn de qurbaniyên Komkujiya Garê ya Enqereyê, li Qada Garê hatin bibîranîn. Ji ber vîrûsa koronayê bîranîn bi awayekî sembolîk pêk hat û di bîranînê de wêneyên 103 qurbaniyan hat hilgirtin. Seroka Komeleya 10’ê Cotmehê Mehtap Sakîncî Çoşgûn, di bîranîna ku bi rêzgirtinê dest pê kir de axivî û diyar kir ku tu kes nikaribûye li pêşiya wan bibe asteng ku li vê qadê bîranînên pêk bînin û wê nikaribin jî.

	&nbsp;

	‘ÊŞÊN ME TEZE NE’

	&nbsp;

	Çoşgûn, anî ziman ku êşên wan hê teze ne û xwest ku ji bo qurbaniya bîrdariyek bê çêkirin û wiha axivî: “Em ê di 21’ê îlonê de li danişîna ku bê dîtin bin. Daxwaza me ya edalet rasteqîn bê bersivandin jî neyê bersivandin jî em ê li wir bin. Bila kes ji bîr neke ku Komkujiya 10’ê Cotmehê ya Enqereyê weke şopeke reş derbasî dîroka komarê bûye.”

	&nbsp;

	‘EM BI DAXWAZÊN AŞTIYÊ LI VIR BIN’

	&nbsp;

	Dı berdewamê de Çoşgûn, destnîşan kir ku piştî komkujiyê pêvajoyeke hesabpirsînê pêk nehatiye û axaftina xwe wiha domand: “Mirov hatin qetilkirin, berpirsyarek jî nehat darizandin. Li ber çavan ev komkujî li navenda Enqereyê pêk hat. Bila kes ne li bendê be ku em ê komkujiyê ji bîr bikin û jiyana xwe bidomînin. Mirovên ku me winda kir mezin nebûn, zarokên me bê dê û bav man, hêrsa me didome û wê neqede. Ne tenê em divê tu kes Komkujiya 10’ê Cotmehê ya Gara Enqereyê ji bîr neke. Di sala 5’emîn de em ê şer, hêrs û herî pir jî daxwazên xwe yên aştiyê bigirin cem xwe û li vir bin.”

	&nbsp;

	Bîranîn, bi berzkirina dûrişmeyên “10’ê Cotmehê ji bîr neke nede jibîrkirin” , “Em ê teslîmî tariyê nebin” &nbsp;û “Wê roj bên çerxa felekê bigere û kujer hesab bidin gel” bi dawî bû.

	&nbsp;