
HDP: Em ê nehêlin ku êrişên nijadperestî asayî bibin

2020-09-14 12:30:22


	&nbsp;

	ENQERE – HDP’ê, derbarê êrişa nîjadperestî ya li Afyonê ya li hemberî karkerên kurd diyar kir ku êriş encama polîtîkayên desthilatê ye û ev tişt got: “Em ê nehêlin ku êrişên nijadperestî yên li hemberî kurdan asayî bibin.”

	&nbsp;

	Lîjneya Rêveberiya Navendî ya HDP'ê, têkildarî êrişa nijadperestî ya li Afyonê ya li hemberî karkerên kurd ên înşaatê daxuyaniyek da. HDP’ê êrişa li Sakaryayê ya li hemberî karkerên kurd bi bîr xist û diyar kir ku eriş encama daxuyanî û polîtîkayên hundir û derve yên desthilatdariya AKP-MHP’ê ye û wiha got: “Sedema mirina karkerekî Kurd li Afyonê gotinên nefretê yên desthilatdariya AKP-MHP'ê ye, xemsariya li pêşberî vê mijarê ye. Êrişên nijadperestî yên li dijî kurdan tên kirin encameke polîtîkaya desthilatdariyê ya bêcezahiştinê ye." HDP'ê destnîşan kir ku wê bûyera nîjadperestî ya li Afyonê bişopînin û nehêlin kesên ku êrişên nijadperestiyê li dijî kurdan dikin bêceza bên hiştin.

	&nbsp;