
OHD: Li girtîgehên Marmarayê tecrîd tê girankirin 

2020-09-16 16:27:49


	STENBOL - OHD’ê rapora 3 meha a têkildarî girtîgehên Herêma Marmarayê de amadek ir û diyar kir ku girtî tên tecrîdkirin û muameleya xerab li dijî girtiyan zêde bûye.&nbsp;

	&nbsp;

	Komîsyona Girtîgehan a Komeleya Hiqûqzanên Ji Bo Azadiyê (OHD) ya Stenbolê derbarê binpêkirinên mafan ên di meha hezîran, tîrmeh û tebaxê de li girtîgehên Herêma Marmarayê qewimîne raporek amade kir û li avahiya Komeleyê ya li Beyoglûya Stenbolê bi raya giştî re parve kir. Hevberdevkên Komîsyonê Bariş Marhan û Destîna Yildiz rapora ji 22 rûpelan pêk dihat eşkerekirin.

	&nbsp;

	ÊŞKENCE Û MUAMELEYA XERAB&nbsp;

	&nbsp;

	Di raporê de hat diyarkirin ku sepanên gihîştine asta êşkenceyê li girtîgehan hene û darbarê hin girtiyan de agahî hat dayîn. Di raporê de wiha gotin: “Girtiyên bi navê Mehmet Tahir Ozcan û Kasim Karataş di tîrmehê de ji Girtîeha Rihayê sirgûnî Girtîgeha Jimara 2’yan a Tîpa F &nbsp;a Tekîrdagê haitne kirin û di dema sirgûnê de du rojan xwarin nedane wan û tenê şûşeyek av dane wan û di têketina girtîgehê di bi lêgerîna tazî û êşkenceyê re rûbirû mane. Her wiha 6 girtiyên din ku nû hatine girtin û birine Girtîgeha Tekîrdagê bi êşkenceyê û lêgerîna tazî re hevrû mane. Di pêvajoya pandemiyê de mafên girtiyên li Girtîgeha Tîpa F a Edîrneyê hatine desteserkirin.”&nbsp;

	&nbsp;

	TECRÎD Û HEVDÎTIN&nbsp;

	&nbsp;

	Di raporê de hat destnîşankirin ku li girtîgehan şertên tecrîdê hatine girankirin û di sepana faliyetên hevpar de pirsgirêk diqewimin û di navbera gityan de têkilî tê birîn. Di raporê de hat gotin mafê girtiyan ên name şandin û wergirtin, hevdîtina telefonê û sûd girtina ji weşanan nagirin û her çiqas di hefteyê de du caran bi dema 10 deqîqeyan dem hatibe veqetandin jî lê bes ev maf gelek caran hatiye astengkirin.&nbsp;

	&nbsp;

	Di raporê de hat diyarkirin ku di hevdîtinên parêzeran de kêşe derdikevin û ji ber odeyên hevdîtinê yên brandayan kêm in parêzer kêşeyan dikişînin.&nbsp;

	&nbsp;

	GIRTIYÊN NEXWEŞ&nbsp;

	&nbsp;

	Di raporê de hat xwestin pêwîste şertên qawîşên di karantînayê de werin başkirin, astengkirina mafê dermankirina girtiyan were rakirin û pêwîste girtiyên nexweş demildest werin berdan.&nbsp;

	&nbsp;

	Di berdewamiya raporê de binpêkirina mafan ku girtî pê rûbirû mane hatin rêzkirin.

	&nbsp;

	&nbsp;