Li Ebexê leşkeran welatiyek birîndar kir 

2020-09-17 10:32:33


	WAN - Li gundê Davan ê girêdayî navçeya Ebexê di encama gulebarana leşkeran de Orhan Hanay birîndar bû. 

	 

	Li gundê Davan ê girêdayî navçeya Ebexa Wanê di encama gulebarana leşkeran de welatiyê bi navê Orhan Hanay birîndar bû. Li gorî agahiyên hatin bidestxistin, Hanay duh êvarê diçe ber sînor mihên wan ku nehatine malê bîne. Ev cihê ku mih lê dimînin baregeha leşkerî ye. Li ser xeta sînor ji qûleya leşkerî gule li Hanay hatin reşandin û ew birîndar bû. Ferdên malbatê Hanay rakirin Nexweşxaneya Dewletê ya Ebexê û piştî hat dermankirin ji nexweşxaneyê hat derxistin. 

	 

	Kekê Orhan Hanay, Mustafa Hanay têkildarî bûyerê axivî û got: “Mihên me her tim li cihên nêzî sînor dimînin. Dema nayên em diçin tînin. Duh dîsa mihên me nehatibûn û birayê min jî çûye ku wan bîne. Saet di şeşan de ji malê derket. Leşkeran gule li birayê min reşand û qorika wî birîndar bûye. Birîndarî diçe gundê Kaşimê. Pişt re em çûn me wîr bi nexweşxaneyê. Piştî dermankirinê me wî bir malê.”