
Doza Kemal Kûrkût 5 deqe berdewam kir 

2020-09-22 11:20:32


	&nbsp;

	AMED – &nbsp;Ji ber ku polisê bersûc Y.Ş. û parêzerê wî tevlî danişîna doza Kemal Kûrkût ku dihat payîn biryar derkeve nebûn, danişînê tenê 5 deqe berdewam kir. Ji bo ku biryar bê dayin danişîn taloqî 17’ê mijdarê bû.&nbsp;

	&nbsp;

	Danişîna 11’emîn a doza xwendekarê zanîngehê Kemal Kûrkût ku di Newroza 2017’an de ji aliyê polisê bi navê Y.Ş. ve hat qetilkirin, li 7’emîn Dadgeha Cezaya Giran a Amedê hat dîtin. Polisê bersûc û parêzerên xwe tevlî danişînê nebûn. Parêzerên malbata Kûrkût Mehmet Emîn Aktar, Cîhan Aydin, Serdar Çelebî, Sîdar Avşar, Mehmet Oner û Mûhlîs Ogûrgul li danişînê amade bûn.&nbsp;

	&nbsp;

	ROJNAMEGERAN NEGIRTIN HUNDIR

	&nbsp;

	Beriya danişînê, polisan ji ber Edliya Amedê heta qorîdaro eywana dadgehê bi awayekî awarte bergiriyên ewlehiyê girtin. Polisan, bi hinceta pandemiyê parlamenterên HDP’ê yên Amedê Semra Guzel û Remziye Tosûn û rojnamegerên ku xwestin danişînê bi şopînin, negirtin eywana danişînî.&nbsp;

	&nbsp;

	DOZGERIYÊ MUTALAA XWE DUBARE KIR&nbsp;

	&nbsp;

	Piştî destpêkirina danişînî serokê dadgehê, diyar kir ku ji ber guhertina heyete wê biryar neyê dayîn û bersûc di daxwaznameya xwe ya ku di 26’ê hezîranê de pêşkêş kiriye de, derbarê bûyerê de daxwaz kiriye ku ji Fermandariya Giştî ya Cendirmeyan rapora pispor bê xwestin.&nbsp;

	&nbsp;

	Dozger jî mutalaaya xwe ya danişîna beriya niha dubare kir û ji ber sûcê “bi zanebûn bûye sedema mirinê” ji polisê bersûc Y.Ş. re ji 3 salan heta 9 salan cezayê girtîgehê xwest.&nbsp;

	&nbsp;

	DANIŞÎN 5 DEQE BERDEWAM KIR&nbsp;

	&nbsp;

	Di danişîna ku 5 deqe berdewam kir de parêzeran parastinên xwe yên danişînên din dubare kirin û diyar kirin ku li dijî mutalaaya derbarê esasê de hatiye dayîn jî di danişîneke din de parastinê bikin.&nbsp;

	&nbsp;

	WÊ BIRYAR DI 17’Ê MIJDARÊ DE BÊ DAYÎN&nbsp;

	&nbsp;

	Heyeta Dadgehê, ji ber guhertina heyete ji bo ku biryar bê dayîn danişînê taloqî 17’ê mijdarê kir.&nbsp;

	&nbsp;

	Balkêş bû piştî danişînî polisan zifta danişînê girtin.

	&nbsp;