
Hevserokê DBP’ê yê berê Mehmet Arslan hat berdan  

2020-09-30 12:23:31


	&nbsp;

	AMED - Hevserokê Giştî yê DBP’ê yê berê Mehmet Arslan ê di ji lêpirsîna Komeleya Jinan a Rosa girtî dihat darizandin di danişîna ewil de hat berdan. &nbsp; &nbsp;

	&nbsp;

	Hevserokê Giştî yê DBP’ê yê berê Mehmet Arslan di çarçoveya lêpirsîna li dijî Komeleya Jinan a Rosayê de bi îdiaya “endamê ne fermî ye” hatibû girtin. Danişîna ewil a doza derbarê Arslan de li 11’emîn Dadgeha Cezayê Giran a Amedê hat lidarxistin. Arslan ji Girtîgeha Ewlehiya Bilind a Amedê bi rêya Dîmen û Deng (SEGBÎS) beşdarî danişînê bû. Parêzerên wî Şivan Cemîl Ozen, Muharrem Şahîn û Cemîle Turhalli di danişînê de amade bûn.&nbsp;

	&nbsp;

	ARSLAN: ÎDIA PÛÇ IN&nbsp;

	&nbsp;

	Arslan di danişînê de parastina xwe kir û got ew bi îdiayên pûç tên binçavkirin û girtin û sûcdariyên li ser xwe red kir. Arslan xwest were berdan û ji dozê were beratkirin.&nbsp;

	&nbsp;

	Dozger hêceta wesfê sûcên li ser Arslan û rewşa delîliyê xwest biryara dewama girtinê were dayîn.&nbsp;

	&nbsp;

	Parêzerên Arslan axivîn û diyar kirin ku delîlên şahidên nepen piştrast bikin tune ne û xwestin miwekîlên wan were berdan û beratkirin.&nbsp;

	&nbsp;

	Piştî navberek kin şandeya dadgehê bi hêceta ku delîl hatine berhevkirin, dema girtinê, gumana rev û veşartinê nîne derbarê Arslan de biryara tahliyeyê da.&nbsp;

	&nbsp;

	Dadgehê biryara qedexeya derketina derveyî welat danî ser Arslan.&nbsp;

	&nbsp;