
‘Polîs bûne pisporê hilberandina sûc’  

2020-10-01 13:34:43


	&nbsp;

	EDENE - Hevserokê Şaxa DAD’ê ya Edeneyê Zeynel Kete diyar kir ku di kuştina malbata ji Sûriyê de piştî kiryarên esasî hatiye girtin tahliye bûye û got: “Polîs bûne pisporên hilberîneriya sûc.”&nbsp;

	&nbsp;

	Komeleyên Demokratîk ên Elewî (DAD) a Şaxa Edeneyê têkildarî binpêkirina mafên malbata elewî ya ji Dersimê li Îzmîrê bi hêceta kuştina jina ducanî ya penabera ji Sûriyê û zarokek wê hatibû girtin û piştî mehekê hat berdan daxuyanî da çapemeniyê. Daxuyanî li avahiya komeleyê hat dayîn û nûnerên HDP, Egîtîm Sen û rêxistinên elewiyan beşdarî daxuyaniyê bûn.&nbsp;

	&nbsp;

	‘POLÎS BÛNE PISPORÊ HILBERANDINA SÛC’&nbsp;

	&nbsp;

	Hevserokê Şaxa DAD’ê ya Edeneyê Zeynel Kete bi bîr xist ku piştî malbata ji Sûriyê di meha sibatê de hatibû kuştin, cîranên malbatê Hasan Elkatmiş û zarokên xwe Ozan û Şahîn Elkatmış hatine girtin. Kete got piştî ku kiryarên esasî yên bûyerê hatine girtin 3 kes hatine tahliyekirin û malbata Elkatmiş a elewî bêsûc û neheqî hatine girtin û bi gef û êşkenceyê re rûbirû mane. Kete da zanîn ku polîs ketine pey sûc peydakirinê û got: “Polîs bêyî ku xwe bispêre yasayan dest dane destê dozger û bûne pisporê hilberîna sûc. Em dixwazin saziyên elewî piştevaniya malbatê bikin.”&nbsp;

	&nbsp;

	&nbsp;