
Bi ser buroya ajansa me ya Wanê de girtin: 4 rojnameger binçav kirin

2020-10-06 08:02:11


	NAVENDA NÛÇEYAN - Polîsên bi ser malên nûçegihanên Buroya Ajansa Mazopotamya (MA) yên ku bûyer û belgeyên Servet Tûrgût û Osaman Şîban ên li navçeya Şaxê ya Wanê ji aliyê eskeran ve hatibûn binçavkrin û dûre ji helîkopterê hatibûn avêtin derxistin holê de girtin, 4 rojnameger binçav kirin.&nbsp;

	Polîsan serê vê sibê bi ser Buroya Ajansa Mezopotamya (MA) ya Wanê û malên nûçegihanên ajansê jî di nav de, gelek rojnamegeran de girtin. Di serdegirtinê de nûçegihanên MA'yê Adnan Bîlen û Cemîl Ûgûr, nûçegihana Jinnewsê Şehrîban Abî û rojnameger Nazan Sala hatin binçavkirin. Polîsên di malan de lêgerîn kirin, dest danîn ser wênekêş, kamera û malzemeyên teknîkî yên rojnamegeran.

	&nbsp;

	Di heman demê de, lêgerîna polîsan a li buroyê dewam dike û destûr nayê dayîn ku nûçegihanên me tevlî lêgerîna &nbsp;li buroyê bibin. Hat hînbûn ku polîsên Şehrîban Abî binçav kirin, bi xwe re birine di serdegirtina buroyê.&nbsp;

	&nbsp;

	WELATIYÊN JI HELÎKOPTERÊ AVÊTIBÛN KIRIM NÛÇE

	&nbsp;

	Rojnameger Cemîl Ûgûr ê hat binçavkirin, bûyer û belgeyên rapora Servet Tûrgût û Osman Şîban ên li navçeya Şaxê ya Wanê ji aliyê eskeran ve hatibûn binçavkirin û dûre ji helîkopterê hatibûn avêtin, derxistibû holê û xistibû rojeva raya giştî.&nbsp;

	&nbsp;

	Tûrgût ê ji helîkopterê hatibû avêtin, piştî 20 rojan di beşa venêrîna awarte de ma, &nbsp;jiyana xwe ji dest da bû. Walîtiya Wanê, dûre derbarê bûyerê de biyara qedexeya weşanê da bû.&nbsp;