
Dadgehê hinceta Demîrtaş qebûl nekir  

2020-10-06 13:51:01


	&nbsp;

	ENQERE - Dadgehê hinceta Hevserokê Giştî yê HDP’ê yê berê Selahattîn Demîrtaş a tevlî dozê nebe, qebûl nekir û ji bo parastina xwe bike, dema herî dawî dayê.&nbsp;

	&nbsp;

	Danişîna doza Hevserokê Giştî yê Partiya Demokratîk a Gelan (HDP) yê berê Selahattîn Demîrtaş a ji ber wê girtî tê darizandin, li 19’emîn Dadgeha Cezayê Giran hat dîtin.&nbsp;

	&nbsp;

	Demîrtaş û parêzerên wî ji danişînê re hincet nîşan dan û beşdar nebûn. Şandeya dadgehê, diyar kir ku Demîrtaş ji ber şewba vîrûsa koronayê (Kovîd-19) nikare hevdîtinê bi parêzerên xwe re bike û ji bo vê daxwaznameya hincetê ya ku nikare tevlî danişînê bibe ji dadgehê re şandiye. &nbsp;Şandeya dadgehê, da zanîn ku parêzerên Demîrtaş jî bi heman hincetê daxwaznameya hincetê şandiye danişîna dadgehê. Şandeya dadgehê, daxaznameya hincetê ya Demîrtaş û parêzeran qebûl nekir û ev biryara xwe derbasî girtekan kir. Dadgehê, Demîrtaş hişyar kir û ji bo herî dawî parastina xwe bike danişîn taloqî 16’ê Adara 2021’an kir.&nbsp;

	&nbsp;

	DERBARÊ DOZÊ DE

	&nbsp;

	Derbarê Demîrtaş de, bi îdîayên “Rêxistin avakirin û birêve birin”, “Propagandeya rêxistinê kir” û Pesnê sûc û sûcdar dayînê” 142 sal cezayê girtîgehê tê xwestin. Doza ku li Amedê hat vekirin, bi hinceta “ewlekariyê” veguhestin Enqerê.

	&nbsp;

	&nbsp;