
Ji doza KCD’ê ya Rihayê girtî neman  

2020-10-09 12:54:58


	&nbsp;

	RIHA - Di doza ku siyasetmedarên kurd û endamên sendîkayan de bi hêceta xebatên KCD’ê kirine dihatin darizandin girtî neman herî dawî 3 kesên girtî dihatin darizandin jî hatin berdan.&nbsp;

	&nbsp;

	Li Rihayê siyasetmedar û sendîkavan di çarçoveya beşdarî xebatên Kongreya Civaka Demokratîk (KCD) bûne û bi îdiayên “Endamên rêxistinê ne” û “Propaganda rêxistinê kirine” tên darizandin. Ji vê dozê 30 kes dihatin darizandin û sê kes ji wan girtî mabûn. Danişîna 7’emîn a dozê li Dadgeha Cezayê Giran a 2’yemîn a Rihayê hat lidarxistin.&nbsp;

	&nbsp;

	Girtiyê nexweş Muzafer Çakmak, Songul Arpa û Ahmet Yenîlmez ên ji dozê girtî dihatin darizandin di danişînê de hatin amadekirin.

	&nbsp;&nbsp;

	GIRTÎ NEMAN

	&nbsp;

	Danişînê piştî tespîta nasnameyan dest pê kir û girtiyan parastina xwe kirin û îdiayên li ser xwe red kirn û xwestin werin berdan. Parêzeran jî parastina miwekîlên xwe kirin û xwestin dadgeh dema girtina miwekîlên wan li ber çavan bigire û werin berdan.&nbsp;

	&nbsp;

	Şandeya dadgehê biryara berdana 3 siyasetmedaran da û danişînê taloqî 10’ê adara 2021’an kir.&nbsp;

	&nbsp;

	ÇI BÛBÛ?

	&nbsp;

	Li Rihayê li ser fermana Serdozgeriya Komarê ya Rihayê di 9’ê Cotmeha 2019’an de 30 siyasetmedar û sendîkavn di çarçoveya xebatên KCD’ê de hatibûn binçavkirin û 25 kes hatibûn girtin. 5 kes bi şertê kontrola edlî hatibûn berdan. Di danişînên berê de 22 kes hatibûn berdan.&nbsp;

	&nbsp;