
Serokê Baroya Rihayê: Gotinek em bêjin nema, parastin tê darizandin

2020-10-12 14:38:14


	RIHA - Serokê Baroya Rihayê Abdullah Oncel di danişîna hevpîşeyên xwe de axivî û got: “Gotina êdî em bêjin nîne. Li vê dadgehê parastin tê darizandin. Em ber bi pêvajoyek gelek xerab ve diçin.”&nbsp;

	&nbsp;

	Li Rihayê 5 jê parêzer bi giştî 14 kes bi hêceta ku “di navbera koordinasyona hundir û derve ya Girtîgeh û Komîteya Zîndanê ya PKK/KCK’ê têkilî danîne” doz li wan hatiye vekirin û bi îdiaya “Endamên rêxistinê ne” û “Propganda rêxistinê kirine” tên darziandin. Danişîna ewil a dozê li 6’emîn Dadgeha Cezayê Giran a Rihayê hat lidarxistin. Di dosyeyê de nivîskar Halîl Çay tenê girtî tê darizandin. 13 kesên din ne girtî tên darizandin.&nbsp;

	&nbsp;

	Gelek parêzer û Serokê Baroya Rihayê Abdullah Oncel danişînê şopandin.&nbsp;

	&nbsp;

	&nbsp;NAMEYA JI KEÇA XWE RE ŞANDIYE BÛYE SÛC&nbsp;

	&nbsp;

	Piştî tespîta nasnameyan danişînê dest pê kir û nivîskar Halîl Çay parastina xwe kir û got nameya wî ji keça xwe ya girtî re şandiye wek sûc hatiye dîtin û sûcên li ser xwe red kir û xwest were berdan û beraetkirin.&nbsp;

	&nbsp;

	Parêzerê Çay, Mîkaîl Yavûz got divê temenê miwekîlê wî li ber çavan were girtin û were berdan.&nbsp;

	&nbsp;

	‘DOZNAME HIQÛQÎ NÎNE’&nbsp;

	&nbsp;

	Parêzer Hidayet Enmek ê di çarçoveya dosyeyê de tê darizandin jî axivî û diyar kir ku wî di çarçoveya xebatên parêzertiyê de hevdîtina bi miwekîlên xwe re kiriye û got: “Tu bingeha hiqûqî ya doznameyê nîne. Ez sûcên li ser xwe jî red dikim.”&nbsp;

	&nbsp;

	‘PARASTIN TÊ ASTENGIRIN’&nbsp;

	&nbsp;

	Pişt re Serokê Baroya Rihayê Abdullah Oncel di danişînê de axivî û got: ““Gotina êdî em bêjin nîne. Li vê dadgehê parastin tê darizandin. Em ber bi pêvajoyek gelek xerab ve diçin.”&nbsp;

	&nbsp;

	Parêzerên din jî xwestin miwekîlên wan werin beraetkirin.&nbsp;

	&nbsp;

	Piştî navberek kin şandeya dadgehê biryara berdana nivîskar Halîl Çay dan û danişînek din t aloqî 15’ê çileya 2021’an.&nbsp;

	&nbsp;

	&nbsp;