
Şertê ‘girtîgeha malê’ ya hevşaredar Dîken rabû 

2020-10-14 12:51:59


	&nbsp;

	AMED – Şertê ‘girtîgeha malê’ yê derbarê Hevşaredara Yenîşehîrê Belgîn Dîken ku qeyûm tayînî şûna wê hatibû kirin, hat rakirin.&nbsp;

	&nbsp;

	Danişîna destpêkê ya doza Hevşaredara Yenîşehîrê Belgîn Dîken ku di 13’ê mijdara 2019’an de qeyûm tayînî şûna wê hatibû kirin, li 9’êmîn Dadgeha Cezayê Giran a Amedê hat dîtin. Dîken ku berdayî tê darizandin û parêzerên xwe tevlî danişînê bûn.&nbsp;

	&nbsp;

	Di danişînê de Dîken parastina xwe kir û destnîşan kir ku tevlîbûna wê ya xebatên partiya wê ne sûc in û bi vîna xwe tevlî xebatan bûye û wiha got: “Pirtûkên ku li mala min hatine desteserkirin jî pirtûkên hevjînê min ê nivîskar in. Daxwaz dikin ku şertê ‘girtîgeha malê’ yê li ser min bê rakirin. “

	&nbsp;

	Dozger, daxwaz kir ku kêmasiyên di dosyayê de bên derbaskirin û şertê ‘girtîgeha malê’yê li ser Dîken bê berdewamkirin. Piştre parêzerên Dîken jî parastina wê kirin û daxwaza rakirina şertê ‘girtîgeha malê’ yê li ser Dîken kirin.&nbsp;

	&nbsp;

	Heyeta Dadgehê, piştî parastina parêzeran biryar da ku şertê ‘girtîgeha malê’ yê li ser Dîken bê rakirin û qedexeya derketina derveyî welat a li serê jî bê berdewamkirin. Heyeta dadgehê her wiha biryar da ku hevjînê Dîken Şeyhmûs Dîken weke şahid bê guhdarkirin bê guhdarkirin û danişînê taloqî 2’ê kanûnê kir.&nbsp;

	&nbsp;