
Danişîna doza endezyar Cîhan Can hat taloqkirin  

2020-10-16 15:11:47


	AMED – Danişîna doza polîsê ku bi otobusê pê li Cîhan Can kiribû û ew kuştibû hat dîtin û dadger bêyî li beyanên parêzerê malbatê guhdar bike danişînê bi dawî kir.&nbsp;

	&nbsp;

	Li Amedê di 27’ê kanûna 2019’an de polîs Hakan A. otobusê li endezyar Cîhan Can qelibandibû û ew di bin de hiştibû. Can li cihê bûyerê jiyana xwe ji dest dabû. Danişîna ewil a doza derbarê polîs Hakan A. de hatibû vekirin li Dadgeha Cezayê Asliye ya 11’emîn a Amedê hatlidarxistin. Polîs Hakan A. ê tayînî Sêwazê hatiye kirin bi rêya dîmen û deng beşdarî danişînê bû û malbata Cîhan Can û parêzerê malbatê Fûat Coşacak jî di danişînê de amade bûn.&nbsp;

	&nbsp;

	Bersûc Hakan A. parastina xwe kir û îdia kir ku ew bêsûc e û xwest ji dozê xilas bibe.&nbsp;

	&nbsp;

	Dayika Can, Haliye Can jî di danişînê de axivî û xwest bersûc were cezakirin.&nbsp;

	&nbsp;

	Parêzer Fûat Coşacak jî diyar kir ku dema ew li pêkhatina bûyerê dinêrin difikirin ku sûcê bi qestî kuştinê pêk hatiye û ji ber giraniya sûc divê bersûc li Dadgeha Cezayê Giran were darizandinê. Coşacak xwest ku dosyeyê bişînin Dadgeha Cezayê Giran û danişîn li wir bidome.&nbsp;

	&nbsp;

	DESTÛR NEDA BEYANÊN DEVKÎ&nbsp;

	&nbsp;

	Dadger da zanîn ku ew ê li beyanên devkî yên Coşacak guhdar neke û xwest daxwaza xwe bi nivîskî bide û bêyî ku daxwazên wî werbigire danişînê bi dawî kir. Coşacak bertek nîşanî vê yekê da.&nbsp;

	&nbsp;

	Dozger jî daxwaza Coşacak a ji bo dozname biçe dadgeha cezayê giran red kir.&nbsp;

	&nbsp;

	Dadger jî daxwaza parêzer red kir û bi biryara şahid Mustafa Başkan were guhdarkirin bi darê zorê bînin danişînê danişînê taloqî 15’ê çileya 2021’an kir.&nbsp;

	&nbsp;

	&nbsp;