
Zilamê tundiya sistematik pêk tîne nayê girtin 

2020-10-20 09:04:56


	MÊRDÎN – Hasann Eneş ku li navçeya Artûklûyê tundî li Ceyhan Eneş kiribû, li gel giliya bi rapora derpkirinê jî hat berdan. Eneşa ku tundî lê hatibû kirin banga piştgiriyê kir.&nbsp;

	Hasan Eneş ku li taxa Cûmhûrriyetê ya navçeya Artûklû ya Mêrdînê esnafî dike, duh hevjîna xwe ya ku ji hev cihê dijîn derp kiribû û ji aliyê polisan ve hatibû binçavkirin. Polisan, Hasan Eneş birin Navenda Polisan a Yenîşehîrê û li gel giliya Ceyhan Eneş a bi rapora derpkirinê jî Hasan Eneş bi biryara “Dûrxistinê” hat berdan.&nbsp;

	&nbsp;

	BANGA PIŞTGIRIYÊ&nbsp;

	&nbsp;

	Ceyhan Eneş, derbarê serboriya xwe de ji Ajansa Mezopotamyayê (MA) re axivî û diyar kir ku beriya niha jî gelek caran tundî lê hatiye kirin û li gel giliyên ku kirine jî tu encamek bi dest nexistiye û biryarên “dûrxistinê” pêk nehatine. Eneş ku nexwest serçavê wê di qamerayê de bê xuyakirin, diyar kir ji ber ku hevjînê wê bi mera mela bi jineke din re zewiciye, bi 4 zarokên xwe re ji hevjînê xwe cihê dijî û wiha got: “Timik tundî li min dihat kirin û ji ber tundiya li min hat kirin beriya çeneya min şikiya. Her cûre zilmê li min û malbata min dike. Êdî hêza min nema. Piştgiriyê dixwazim. Ji ber tundiya li min tê kirin êdî derûniya min û zarokên min xera bûye.”&nbsp;

	&nbsp;

	MA / Ahmet Kanbal

	&nbsp;

	&nbsp;