
Biryara bihincet a cînayeta Aydemîr: Nelihevkirina mîrateyê 

2020-10-28 14:39:52


	&nbsp;

	AGIRÎ – Di hinceta biryara cezayê muebbeta giran ku derbarê mirina Leyla Aydemîr de li apê wê Yûsûf Aydemîr hat birîn de hat gotin ku ji ber “nelihevkirina mîrateyê” Leyla hatiye revandin.

	&nbsp;

	Leyla Aydemîr (4), di 15’ê hezîrana 2018’an de li Agiriyê winda bûbû û piştî 18 rojan mirî hatibû dîtin. Weke faîl apê Leyla, Yûsûf Aydemîr hat darizandin û cezayê muebbeta giran lê hat birîn. Biryara bihincet a cezayê li Aydemîr hatibû birîn, hat aşkerakirin.&nbsp;

	&nbsp;

	JI BER NELIHEVKIRINA MÎRATEYÊ REVANDIYE

	&nbsp;

	Biryar bihincet ji aliyê 1’emîn Dadgeha Cezaya Giran a Agiriyê ve hat amadekirin û di biryarê de hat aşkerakirin ku li ser traktör û bazinên zêr ên mîrateya bavê wan di navbera bavê Leyla, Nîhat Aydemîr û apê wê Yûsûf Aydemîr de nelihevkirin hebûye.&nbsp;

	&nbsp;

	PIŞTÎ MIRIYA AVÊTIYE ÇEM

	&nbsp;

	Di biryarê de hat aşkerakirin ku faîl Aydemîr bi armanca di mijara nelihevkirinê de gef li kekê xwe bixwe keça wî Leyla revandiye û piştî ku bûyer bûye bûyereke edlî tirsiyaye û wê veşartiye. Hat destnîşankirin ku piştî Leyla jiyana xwe ji dest daye apê wê biriye avêtiye çemê ku lê hatiye dîtin.&nbsp;

	&nbsp;

	&nbsp;