
DBP: Şoreşa jinê bû hêviya cîhanê

2020-11-01 11:33:52


	&nbsp;

	AMED - Navenda Giştî ya DBP'ê bi minasebeta 1'ê Mijdarê Roja Kobanê ya Cîhanê daxuyanî da û diyar kir ku berxwedana herî bi hêz a li dijî mêtîngeriyê li ser axa Mezopotamya pêş ket û şoreşa jinê ya li Kobanê bû hêviya gelên cîhanê.&nbsp;

	&nbsp;

	Navenda Giştî ya Partiya Herêmên Demokratik (DBP), bi minasebeta 1'ê Mijdarê Roja Kobanê ya Cîhanê daxuyaniyek nivîskî weşand. Navenda Giştî ya DBP'ê, diyar kir ku berxwedana herî bi hêz a li dijî mêtîngeriyê li ser axa Mezopotamya pêş ket û şoreşa jinê ya li Kobanê bû hêviya gelên cîhanê. Erdnîgariya Rojhilata Navîn û Mezopotamya, yekem cihên ku şaristanî lê ava bûye ye. Ji ber vê yekê komkujî û şer jî herî zêde li ser vê axê pêş dikeve. Hêzên Mêtînger li ser axa Mezopotamya bêtir zalim dibin û li dijî mazlumên berxwedêr komkujiyan dikin. Li dijî hêzên mêtînger berxwedana herî bêhempa dîsa li ser axa Mezopotamya pêş dikeve."&nbsp;

	&nbsp;

	Navenda DBP'ê anî ziman ku di salên dawî de komkujiya herî mezin li ser axa Bakur û Rojhilatê Sûriyeyê pêş dikeve û wiha bi dawî kir: "Di sala 2012'an de gelên Kurt, Arap, Suryanî u Tirkmen jî di navde gelek netew li hev kom bûn û xweseriya xwe ava kirin. Gelên li hev kom bûn û rêveberiya xweser ava kirin, bi bawerî, ziman, nasnameyên cuda bi hevre di nava wekhevî, demokrasî û azadiyê de jiyan û modelek nû ya mînak ava kirin. Di vê pêvajoyê de DAIŞ'a ku li dijî mirovahî, xweza û çandê bû dijmin di sala 2014'an de êrîşî Kobanê kirin û xwestin mirovahiyê li vir bifetisînin. Lê li dijî êrîşa DAIŞ'ê têkoşîna gelan a hevpar pêş ket. Di pêşengiya Arin Mirxanlar, Paramaz Kizilbaşan de berxwedan pêş ket eniya hevpar a gelan ava kir. Li vir şoreşa jinê pêş ket û şoreşa jinê ya li Kobanê pêş ket bû heviya gelên cîhanê."

	&nbsp;

	&nbsp;