
Parazvanê wekîla AKP’ê têkildarî teqîna Qeyseriyê hat girtin 

2020-11-05 13:02:25


	&nbsp;

	NAVENDA NÛÇEYAN - Parazvanê Parlamentera AKP’ê ya Amedê Oya Eronat polîs M.O. jî di nav de 5 kes derbarê êrîşa bombeyî ya ku di sala 2016’an de li Qeyseriyê pêk hat û 15 eskeran jiyana xwe ji dest dan de, hatin girtin&nbsp;

	&nbsp;

	Di 17’ê Kanûna 2016’an de, li Qeyseriyê êrîşa bombeyî li dijî otobusa gel a ku eskerên diçûn destûrê tê bûn de, êrîş pêk hatibû, 15 eskeran jiyana xwe ji dest dabûn û 54 esker jî birîndar bibûn. Doza ku derbarê 21 bersûcan de hatibû vekirin, di 24’ê Cotmeha 2017’an de li 4’emîn Dadgeha Cezayê Giran a Qeyseriyê hatibû destpêkirin û par jî bi encam bibû. Ji bo Kenan Çîçek û bersûcên din, cezayê girtîgehê hatibû birîn.

	&nbsp;

	Dadgehê bi dosyeya Saît Karabûlût û Îshak Ozçaktû re, dosyeya bersûcê fîrare Ferhat Tekîner cuda kiribû. Ferhat Tekîner, berî 3 heftiyan, diçe Konsolosxaneya Hewler a Tirkiyeyê û teslîm dibe.&nbsp;

	&nbsp;

	TESLÎM BÛ, LÊ GOTIN BI OPERASYONÊ HATIYE GIRTIN

	&nbsp;

	Tekîner tavilê anîn Tirkiyeyê û heya çend rojan li aliyê MÎT’ê ve di lêpirsînê re hat derbaskirin. Ligel ku Tekîner bi xwe diçe konsolosxaneyê teslîm dibe jî, MÎT û Ewlekariyê îdîakirin ku bi operasyonekê hatiye girtin û ew anîne Tirkiyeyê.

	&nbsp;

	Di çarçoveya lêpirsîna Ferhat Tenîner de, li gorî îfadeyên wî dayî derbarê 4 kesan de biryara girtinê hat derxistin.&nbsp;

	&nbsp;

	AGAHÎ JI BO EWLEKARIYA AMEDÊ NEHAT DAYÎN

	&nbsp;

	Li gorî agahiyan, ekîbeke taybet ji Miduriyeta Polîsan a Qeyseriyê hat Amedê û beyî ku agahiyê bide Ewlekariya Amedê, di 30’ê Cotmehê de bi awayekê hemwext bi ser hin malan de girt.&nbsp;

	&nbsp;

	PARAZVANÊ ERONAT A AKP’Î

	&nbsp;

	Yek ji kesên di vê operasyonê de hat binçavkirin, parazvanê Parlamentera AKP’ê ya Amedê Oya Eronat polîs M.O. ye. Kesên li Amedê hatin binçavkirin, ji bo lêpirsînê birin Qeyseriyê.&nbsp;

	&nbsp;

	25 NASNAMEYÊN SEXTE HATIN DÎTIN

	&nbsp;

	Hat diyar kirin ku parazvanê Eronat polîs M.O. ê ku bi sûcdariya Ferhat Tekîner piştî teqîna Qeyseriyê bi nasnameya sexte şandiye derveyî welat hat binçavkirin, di encama lêgerîna li mala wî de 25 nasnameyên sexte hatin dîtin.&nbsp;

	&nbsp;

	HAT GIRTIN&nbsp;

	&nbsp;

	Polîs M.O. û 4 kesên di çarçoveya îfadeyên Ferhat Tekîner de hatibûn binçavkirin û piştî ku pênc rojan li Şaxa Têkolîna bi Terorê ya Miduriyeta Polîsan a Qeyseriyê di lêpirsînê derbas bûn, duh bi Ferhat Tekîner re ji bo kontrola tenduristiyê birin Nexweşxaneya Dewletê ya Qeyseriyê û dûre sewqî edliyê hatin kirin. 5 kesên dozger îfadeyên wan girtin, sewqî Dadgeha Cezayê Sûlhê ya Nobedar kirin. Her 5 kes hatin girtin û şandin girtîgehê.

	&nbsp;