
14 mamoste hatin berdan

2020-11-09 12:52:34


	AMED – Li Amedê, 14 mamostayên hatibûn binçavkirin hatin berdan. 3 mamoste jî bi daxwaza girtinê sewqî dadgehê hatin kirin.

	&nbsp;

	Di 5’ê Mijdarê de, li Amedê bi îdîaya “Endamtiya rêxistinê” û “Propagandeya rêxistinê kirin” ji 28 mamostayên hatibûn binçavkirin 11 jê roja Înê hatibûn berdan. 17 mamostayên din îro serê sibê piştî îfade dan ewlekariya polîsan sewqî edliyê hatin kirin.&nbsp;

	&nbsp;

	Ji mamosteyan Şenay Koç, Zeynep Kaya, Kasım Aydın, Yıldırım Arslan, Saliha Zorlu, Recep Şimşek, Mehmet Baydemir, Mehmet Emin Yücel, Halis Kızılırmak, Ezgi Çelik, Mehmet Arda, Fatih Mutlu, Pelda Sevim û&nbsp;Murat Derince&nbsp;piştî ku li dozger îfade dan, bi şertê kontrola edlî hatin berdan.&nbsp;

	&nbsp;

	Devrîm Dûrucan, Abbas Şahîn û Mehmet Edîp Erdogdu jî, piştî ku îfade dan dozger, bi daxwaza girtinê sewqî dadgehê hatin kirin.&nbsp;

	&nbsp;

	Savaş Saymaz û ê li Çanakkaleyê û Fatîh Mûtlû yê li Yalova hatibûn binçavkirin jî, lêpirsîna wan dewam dike.&nbsp;

	&nbsp;

	Li aliyê din, hat dest nîşan kirin ku hem li Miduriyeta polîsan, hem jî li dozgeriyê, xebatên sendîkayê, axaftinên di telefonan de hatine guhdarkirin û îfadeyên şahidê nepen ên li ser wan hatibûn dayîn ji mamosteyan hatin pirsîn.&nbsp;

	&nbsp;

	Di heman demê de biryara veşartinê ya di dosyeya lêpirsînê de, dewam dike.

	&nbsp;