
Ceza dan reklamkerê ku pankartên Apê Mûsa û Ûgûr Kaymaz çap kir 

2020-11-10 10:33:29


	&nbsp;

	MÊRDÎN – Derbarê Hevserokê Demê yê MEYADER’a Dêrikê Abîdîn Esen û Şarefettîn Aslan ku li Mêrdînê karê reklamê dike de bi hinceta ku li ser daxwaza komele û rêxistinên sivîl bi pere pankartan çap kirine, 2 sal û mehek ceza li wan hat birîn.&nbsp;

	&nbsp;

	Serdozgeriya Komarê ya Mêrdînê, di çarçoveya lêpirsîneke ku di sala 2015’an de dabû destpêkirin de derbarê Hevserokê Demê yê MEYADER’a Dêrikê ku bi KHK’ê hatibû girtin Abîdîn Esen û Şarefettîn Aslan ku li Mêrdînê karê reklamê dike de bi angaşta “emtamtiya rêxistinê” di sala 2018’an de dozname amade kir.&nbsp;

	&nbsp;

	PANKARTA SÎNCAR DELÎL NÎŞAN DA

	&nbsp;

	Di doznameyê de Şerafettîn Aslan bi çapkirina pankartekî ku li ser daxwaza MEYADER’ê ji bo merasîma cenazeyê YPG’iyek hat sûcdarkirin. Her wiha pankartên ku Aslan ji bo daxuyaniyên rêxistinên sivîl û komeleyan çap kiriye jî weke delîl hatine nîşandan. Mînak pankartên ku ji bo Sakîne Cansiz, Fîdan Dogan û Leyla Şaylemez; Parlamenterê DEP’ê Mehmet Sîncar hatibûn amadekirin weke delîl hatine nîşandan.

	&nbsp;

	ANTER Û KAYMAZ KIRIYE MIJARA SÛC

	&nbsp;

	Her wiha di doznameyê de pankartên ku ji bo Ûgûr Kaymaz û nivîskar û ronakbirê kurd Mûsa Anter hatine amadekirin jî bûne mijara sûcdarkirinê. Di doznameyê de bi van gotinan qala Mûsa Anter hatiye kirin: “Wêneyê yek ji damezrînerê qaşo tevgera siyasî ya kurd”. Ji bo Ûgûr Kaymaz jî ev tişt hatiye gotin: “Lê Qosera Mêrdînê miriye”&nbsp;

	&nbsp;

	2 SAL Û MEHEK CEZA&nbsp;

	&nbsp;

	Di darizandina ku 2 sal in didome de danişîna biryarê li 4’emîn Dadgeha Cezaya Giran a Mêrdînê hat dîtin. Di danişînê de dozger mutalaaya xwe dubare kir û diyar kir ku derbarê Aslan û Esen de jê hêla statuya rêxistinê ve tu delîl nehatiye dîtin û bi rêya pankartan piştgiriya rêxistinê hatiye kirin. Heyeta dadgehê, bi angaşta “piştgiriya rêxistinê” 2 sal û mehek ceza li Aslan û Esen birî.&nbsp;

	&nbsp;

	MA / Ahmet Kanbal

	&nbsp;