
Îranê 2 kolberê din qetil kir  

2020-11-19 13:00:14


	&nbsp;

	NAVENDA NÛÇEYAN - Hêzên rejîma Îranê li Şino êrişî komek kolber kirin, di encamê de 2 kolberan jiyana xwe ji dest dan.

	&nbsp;

	Êrişên hêzên rejîma Îranê ya li ser kolberan dewam dike. Hema bêje rojane kolber ji aliyê rejîma Îranê ve têne kuştin. Li gorî nûçeya Komeleya Mafê Mirovan a Kurdistanê, hêzên pasdaran li herêma Şino ya bi ser Ûrmiyeyê ve êrişî komek kolber kirine.

	&nbsp;

	Heman çavkaniyê ragihand ku di encama êrişê de kolberê bi navê Hakan Mihemed Zade yê xelkê gundê Kirîkan Selmas û kolberê bi navê Wesîm Ferdîn Zade yê xelkê gundê Pirdawê ya Şino hatine kuştin. Tê gotin hîn jî cenazeyê kolberan radestî malbatan nehatiye kirin.

	&nbsp;

	Li gorî daneyên rêxistinên mafê mirovan, tenê di meha mijdara 2020’an de 6 kolber ji aliyê hêzên rejîma Îranê ve hatine kuştin û 5 jî birîndar bûne.

	&nbsp;