Qeyûmê Şemrexê çav berda meaşê hevşaredarê 

2020-11-24 09:07:11


	MÊRDÎN - Qeyûmê tayinî Şaredariya Şemrexê hat kirin, ji bo meaşê Hevşaredara HDP'î Nalan Ozaydinê û meaşê xebatkaran û qezenca esnafên ku bi şaredariya HDP'î re xebitîne wekî "zirara cemaweriyê" hesiband û xwest di nav mehekê de bê dayîn. 

	Qeymeqamê Şemrexê Muhsîn Dûran Kalkan di 16'ê Mijdara 2019'an de tayinî Şaredariya Şemrex a Mêrdînê hatibû kirin. Rêveberiya qeyûm tiştên di dema Hevşaredara Şemrexê ya HDP'î Nalan Ozaydinê de hatine kirin hemûyan wekî "zirara cemaweriyê" hesibandiniye û xwestiye di nav mehekê de bê dayîn. 

	 

	Rêveberiya qeyûm, ji Hevşaredara HDP'ê ya Şemrexê Nalan Ozaydinê xwest ku pereyê ku daye xebatkarên şaredariyê û pereyê ku pê sotemenî û mucur kirîne bide. 

	 

	210 HEZAR TL DEYN 

	 

	Qeyûm meaşê Ozaydinê û meaşê xebatkarên şaredariyê wekî "zirara cemaweriyê" hesibandiye û 210 hezar TL deyn daye ber Ozaydinê. 

	 

	Her wiha qeyûm 8 meh muhlet daye fîrmayên ku di dema rêveberiya HDP'î de bi şaredariyê re xebitîne. Qeyûm, teblîxat ji fîrmaya re şandiye. Di teblîxatê de hatiye diyarkirin ku di 8 mehan de bi 227 hezar û 824 TL'yî sotemenî hatiye kirin û ji fîrmayan xwestiye di nav mehekê de vî pereyî bidin. Her wiha qeyûm ji bo mucura hatiye kirin jî gotiye "zirara cemaweriyê" û ji bo vê jî 17 hzar û 700 TL xwestiye. 

	 

	ÎTIRAZ KIRIN

	 

	Fîrmayan jî piştî teblîxat gihaşt wan îtiraz kirin û di îtiraza xwe de gotine, tiştekî derî qanûnê nekirine û xwestine tişta hatiey kirin bê betalkirin. 

	 

	Her wiha dê fîrma serî li dadgeha îdarî jî bidin. 

	 

	MA / Ahmet Kanbal