
Li Stenbolê serdegirtina malan: Gelek kes hatin binçavkirin

2020-11-26 10:05:52


	STENBOL – Li Stenbolê polîsan bi ser gelek malan de girt û di encama serdegirtinan de rojnamevan jî di nav de gelek kes hatin binçavkirin.&nbsp;

	&nbsp;

	Li 15 navçeyên Stenbolê polîsan hemwext bi ser malan de girt. Serdozgeriya Komarê ya Stenbolê derarê 26 kesan de biryara binçavkirinê derxistiye. Di saetên dereng ên şêvê de operasyon hat destpêkirin û polîsan bi ser 28 malan de girt.&nbsp;

	&nbsp;

	Di serdegirtina malan de heta niha navê kesên hatine binçavkirin wiha ne:&nbsp;

	&nbsp;

	Cîgirê Şaredarê Şîşlî Cîhan Yavûz, endama Meclîsa Gelan û Baweriyan a HDK’ê Çîgdem Kiliçgun Ûçar, rojnamevan Davût Ûçar û Kesîre Onel, endamê Komeleya Alîkarî û Piştevaniyê ya Malbatên Xizmên Xwe Winda Kirine ya Anadolûyê (ANYAKAY-DER) Alaattîn Altintaş, Hevseroka HDP’ê ya Navçeya Uskudarê ya berê Erşan Ongulu, Mehmet Karadag, Muhsîn Demîr, Hevserokê Komeleya Alîkarî û Piştevaniyê ya Malbatên Girtî û Hikumxwaran a Marmarayê (MATUHAYDER) Husnu Taş û rêveberên komeleyê Muhlîs Bozdemîr, Nazim Adiguzel, Yusuf Çelîk, Emîne Kaya.&nbsp;

	&nbsp;

	Polîs çûn mala rojnamevan Kesîre Onel a li navçeya Bagcilarê. Onel ne li malbû, vê carê polîsan bi ser mala hevpîşeyek Onel ku li Balatê bû de girtin û Onel li vir hat binçavkirin. Hat zanîn ku derbarê Onel de gilî hatiye kirin.&nbsp;

	&nbsp;

	&nbsp;

	&nbsp;

	&nbsp;