Doza rojnamevan Sayilgan hat taloqkirin 

2020-12-02 15:44:51


	 

	MÛŞ – Danişîna doza nûçegihanê Ajansa Mezopotamya Îdrîs Sayilgan hat taloqkirin.

	 

	Nûçegihanê Ajansa Mezopotamya (MA) Îdrîs Sayilgan bi îdiaya “li pey hev propagandaya rêxistinê kiriye” tê darizandin. Danişîna sêyemîn a doza Sayilgan li Dadgeha Cezayê Giran a 2’yemîn a Mûşê hat lidarxistin. Sayilgan beşdarî danişînê nebû. Parêzerên Sayilgan li Dadgeha Çaglayana Stenbolê bi rêya dîmen û deng beşdarî danişînê bûn. Şandeya esil a dadgehê bi hêceta vîrûsa koronayê şandeyek dadgehê ya demî li danişînê nihêrî. Şandeya demî danişîna doza Sayilgan taloqî 1’ê sibata 2021’an kir.