
Heyeta ÎHD’ê bi Wezîr Gul re hevdîtin kir 

2020-12-09 09:56:03


	ENQERE - Heyeta ÎHD’ê, bi rojeva tecrîda li Girtîgeha Îmraliyê û binpêkirinên mafan ên dewam dikin, bi Wezîrê Dadê Abdulhamît Gul re hevdîtin kir.

	&nbsp;

	Heyeta Komeleya Mafê Mirovan (ÎHD), duh bi Wezîrê Dadê Abdulhamît Gul re li cihê wî hevdîtin kir.

	&nbsp;

	Di hevdîtinê de Hevserokê Giştî yê ÎHD’ê Ozturk Turkdogan, Sekreterê ÎHD’ê yê Giştî Huseyîn Kuçukbalaban û Endama Lijneya Rêveberiya Meclîsê (MYK) ya ÎHD’ê Nuray Çevîrmen cih girtin. Di hevdîtinê de ÎHD’ê derbarê “Plana Çalakiyên Mafê Mirovan” û “Belgeya Stratejî ya Reforma Dadê” de, nêrînên xwe parve kirin.

	&nbsp;

	LI SER GIRTÎGEHA ÎMRALIYÊ AXIVÎN &nbsp;

	&nbsp;

	Di rojeva hevdîtina ku ji çapemeniyê re girtî hat lidarxistin de, guhertina qanûna înfazê, lêpirsînên derbarê parazvanên mafê mirovan de, hatine destpêkirin, binpêkirinên mafan ên li girtîgehan û tecrîda li Girtîgeha Îmraliyê ya li dijî Rêberê PKK’ê Abdulah Ocalan dewam dike, hebûn.

	&nbsp;

	Di hevdîtina ku qala berdewamiya girîngiya diyalogê hat kirin de, dosyeya ku ÎHD’ê amadekiribû pêşkêşî wezîr hat &nbsp;kirin.&nbsp;