
Danişîna rojnameger Orûç û Çaksû taloq kirin 

2020-12-10 14:22:31


	&nbsp;

	STENBOL – Danişîna rojnameger Azîz Orûç û Ersîn Çaksû ku bi îdîaya “biçûkxistina dewlet, hikumet, rêxistina emniyet û eskeriyê” tên darizandin, hat taloqkirin.

	&nbsp;

	Ji ber nûçeyên ku di rojnameya Ozgurlukçu Demokrasiyê ya bi Biryarnameya di Huqmê Qanûnê (KHK) de hatibû girtin de hatibûn weşandin, bi îdîaya “biçûkxistina dewlet, hikumet, rêxistina emniyet û eskeriyê” doz li rojnameger Azîz Orûç û Ersîn Çaksû hatibû vekirin. Danişîna Orûç û Çaksû li 2’yemîn Dadgeha Cezaya Asliyeyê ya Çaglayanê hat dîtin.

	&nbsp;

	Çaksû beşdarî danişînê nebû û Orûç jî bi SEGBÎS’ê beşdarî danişînê bû. Piştî tespîtkirina nasnameyê Orûç parastina xwe kir û da zanîn ku 7 sal zêdetire rojanmegeriyê dike û berçavgirtina sûda cemaweriyê, hewl dide ku rastiya ji gel re pêşkêş bike. Orûç, anî ziman ku pêşberiya wî ya dadgehê ya ji ber nûçeyekê rewşeke bi êş e û got: “Ji ber nûçeyên ku min çêkirine ne poşman im. Ji pêşkêşkirina rastiyan a gel zêdetir min tu karên din nekirine.”

	Orûç, sûcdariyên li wî hatin kirin red &nbsp;kir û daxwaza beraeta xwe kir.

	&nbsp;

	Dûre Parêzerê Orûç mafê axaftinê girt û diyar kir ku beşdarî parastina muwekîlê xwe dibe û xwest nûçeyên hatine çêkirin di çarçoveya azadiya raman û çapemeniyê de werin nirxandin û ji bo muwekîlê xwe daxwaza beraetê kir.

	Dozger jî diyar kir ku di vê astê de gotineke wî ku bêje tune ye û derbarê Ersîn Çaksû de daxwaza berdewamkirina biryara girtinê kir.&nbsp;

	&nbsp;

	Piştî parastinan dadgehê biryara girtinê ya derbarê Ersîn Çaksû de heta înfaza wan bê kirin sekinand û biryara hejmarên rojnameya Ozgurlukçe Demokrasiyê yên 21, 22, 23, 24, 25, 26, 27, 28, 29, 30, 31 ên meha cotmehê yên di sala 2016’an de tevlî dosyaya wan bike da û danişîn taloqî 16’ê adara 2021’an kir.

	&nbsp;