ROJEVA 15'Ê KANÛNA 2020'AN

2020-12-15 09:00:26


	* Girtî Sertaç Kiliçaslan ê li Girtîgeha Tîpa F a Kiriklarê dimîne, diyar kir armanca çalakiya wan a greva birçîbûnê ya bêdem û dorveger ji bo azadiya Ocalane û got: “Ger daxwazên me neyin qebûl kirin, çalakiya xwe veguherînin greva birçîbûnê ya bêdem û bêdorveger.” 

	* Nûnerên komeleyên mafê mirovan diyar kirin ku greva birçîbûnê ya li dijî tecrîdê hatiye destpêkirin her aliyan û partiyên muxalefetê eleqedar dike û bang li muxalefetê kirin ku ku bibin “dengê hevpar” ên girtiyan.

	 

	* Gardiyanan Cuneyt Gul ku li Girtîgeha Tîpa E ya Ispartayê di hucreya yekkesî de tê girtin, di nav 4 mehan de 2 caran derp kirin û derbarê wî de lêpirsînên dîsiplînê dan destpêkirin. Parêzer Gul, giliya gardiyanên ku Gul derp kirine û gegê li xwarinê kir. 

	 

	* Li Bajarê Wanê ku herî dawî 2 mirov ji helîkopterê avêtin û îşkence li wan kir, bi qedexeya çalakiyên kolanan tê nasîn û zanîn. Li Wanê di 9 mehên dawî de Hezar û 721 mafên mirovan hatin binpêkirin. Nûnera TÎHV'ê ya Wanê Sevim Çiçek, diyar kir ku binpêkirina mafan êdî wan dixe nava fikaran. 

	 

	* Karîkaturên ku 50 girtiyî derbarê şewba Covîd-19'ê de xêz kirin, bi navê "Korona Gunlerînde Mahpûslûk" hatin çapkirin. 

	 

	* Hat hînbûn ku li Tirkiyeyê kesa herî temenbiçûk a ji ber şewba Covîd-19'ê jiyana xwe ji dest daye 3 meh û nîvî ye û li Nisêbînê jiyana xwe ji dest daye. 

	 

	* Bi îdiaya "endamtiya rêxistinê" 7 sal û 6 meh ceza li Endamê Dîwana Hevserokatiyê ya KCD'ê Nûrî Ozdemîr hat birîn. Civîn, meş û konferansên ku Ozdemîr tevli wan bûne û pêwendiya wî ya bi Zelal Bîlgîn re sûc hatiye hesibandin. 

	 

	* Jinên ku taciz û tecawizkaran aşkere dikin, diyar kirin ku aşkerekirin heq e û gotin: "Her ku dengê jinan bilind dibe em xwe bêtir biewle hîs dikin." 

	 

	* Akademîsyen Ceren Sozerî, ji bo zimanê nêrza yê çapemeniyê anî ziman ku çapemeniya bi vî rengî rê li ber tahde û kuştinê vedike û rojnamevan Gulfem Karataş jî got: "Em ê nehêlin çapemenî bibe berdevkê bilêvkirina nêrza." 

	 

	* Kenan Kaya, anî ziman ku 16 meh in cenazeyê birayê wî yê li Colemêrgê di êrîşa hewayî de jiyana xwe ji dest daye, radestî wan nekirine û got: "Hema destek jî be, em cenazeyê xwe dixwazin." 

	 

	* Parêzer Ozgur Yakût, gava tevî muwekîlê xwe diçe Midûriyeta Polîsan a Edeneyê û wextê îfadeyê ji polîs dipirse, polîs heqaretê lê dike û bi ser wî de diçe ku lêbixe. 

	 

	* 17'emîn danişîna doza Ozgur Gundemê ku bi KHK’ê hatibû girtin û wê li 2'emîn Dadgeha Cezaya Silha ya Stenbolê bê dîtin. (10.00)

	 

	* Danîşan doza Gerînendeyê Giştî yê Rojnameya Agos'ê Hrant Dînk ku peywirdarên cemaweriyê têde tên darizandin wê 14'êmîn Dadgeha Cezaya Giran a Wanê bê dîtin. (10.00)

	 

	 * Civîna duyemîn a Diyarkirina Bihayê Asgarî ya Sala 2020'an wê bi malovaniya Konfederasyona Sendîkayên Karsazên Tirkiyeyê (TİSK) bi awayekî online pêk were. (10.00)

	 

	* Wê heyeta ku Hevserokên KCD'ê Leyla Guven û Berdan Ozturk jî di nav de li navçeya Qilebanê ya Şirnexê serdana esnafan bikin. (12.00)

	 

	* Meclisa Jinan a Platforma Şaxên KESK'ê ya Stenbolê wê li ber Dibistana Navîn a Orhangazî ya li navçeya Sûltangazî daxuyaniyek bide û Alîkarê Midurê Lîseya Anadolûyê ya Navenda Cîzreyê Bûrak E. ku 30 xwendekarî tacîz kiribû û bi hinceta "ewlehiyê" tayînî vê dibistana hatiye kirin şermezar bike. (14.30)