Derbarê 7 ciwanan de îdianame hat amadekirin 

2020-12-22 09:12:03


	EDENE - Li Edeneyê Endamê Meclîsa Partiyê ya HDP'ê û Meclîsa Ciwanan Ferhat Kalkan jî di nav de, derbarê 7 ciwanan de îdianame hat amadekirin. 

	Di 7-8'ê Tebaxê de li Edeneyê di avaêtina ser malan de Endamê Meclîsa Partiya Demokratîk a Gelan (HDP) û Endamê Meclîsa Ciwanan Ferhat Kalkan jî di nav de 3 jê zarok 10 kes hatibûn binçavkirin. Kesên hatibûn binçavkirin, bi şertê kontrala edlî hatibûn berdan. 

	 

	Serdozgeriya Komarê ya Edeneyê lêpirsîna derbarê ciwanan de temam kir û derbarê Ferhat Kalkan, Ferhat Sezgîn, Mûhammed Seyît Bariş, Gaffar Meşe, Îbrahîm Onen, Hasan Arslan û Serdal Arslan de bi îdiaya "endamtiya rêxistinê", "şewitandin û ziraradayîna mal" îdianame amade kir. Dadgeha Cezayê Giran a 11'an a Edeneyê jî îdianame qebûl kir. 

	 

	Dozgeriyê di îdianmeyê de ji bo Meclîsên Ciwanan ên HDP'ê gotina "Tevgera Ciwanan a Demokratîk (DGH) wekî zirxê legal hatye bikaranîn" û bi vî awayî xebatên wan bi tevahî sûc hesibandiye. 

	 

	Her wiha di îdianameyê de şewitandina du marketên bi navê A-101 ên li Seyhanê jî spratiye îfadeyên kesekî û wekî delîleke berbiçav li nav dosyeyê bi cih kiriye. 

	 

	Di îdianameyê de nûçeyên derbarê Meclîsên Ciwanan ên HDP'ê de jî sûc hatiye hesibandin ku ev nûçe di Ajansa Mezopotamyayê (MA), Nûçe Ciwan û Ajansa Nûçeyan a Firatê (ANF) de hatine weşandin. Dozger, nûçeya bi sernavê "HDP Gençlik Meclisi Kongresi halaylarla sona erdi" a di MA'yê de hatiye weşandin jî wekî delîl nîşan daye. 

	 

	Dozger pîknîka ciwanan û ji bo pîrozkirina cejnê bi telefonê hevdîtina ciwanan a bi malbatên girtiyan re jî wekî delîla "endamtiya rêxistinê" nîşan daye. 

	 

	Danişîna ewil a dozê dê di 7'ê Çileyê de bê lidarxistin.