
AYM, daxwaza tazmînatê ya karkerên KHK'î mafdar dît 

2020-12-30 12:27:36


	&nbsp;

	BEDLÎS – Dadgeha Destûra Bingehîn, biryar da ku ji 8 karkerên bi hinceta “pevgihandina rêxistinê” li Şaredariya Tetwanê ji kar hatibûn derxistin re tazmînat bê razandin. &nbsp;

	&nbsp;

	Li Şaredariya Tetwanê ya Bedlîsê, di sala 2017’an de 8 karker di çarçoveya KHK’a hejmara 667’an de bi hinceta “pevgihandina rêxistinê” &nbsp;ji kar hatibûn derxistin. Karkerên bi navê Erhan Koç, Gulbahar Aslaner, Erkan Akbay, Bîlgen Yetîşkîn, Emrûllah Akten, Mehmet Şîrîn Baran, Hanîfî Baran û Kamûran Sari ku ji kar hatibû derxistin, bi rêya parêzerên xwe li 1’emîn Dadgeha Esliye Hiqûqê bi daxwaza vegerên karên xwe doz vekirin.&nbsp;

	&nbsp;

	DAXWAZA KARKERAN A VEGERA KAR RED KIRIN

	&nbsp;

	Li gel ku Miduriyeta Giştî ya Polisan û Teşkîlata Îstixbarata &nbsp;Neteweyî (MÎT) raporên ku têkildarî her heştan de qeyda sûc tuneye ji dadgehê re şandin jî 1’emîn Dadgeha Esliye Hiqûqê, daxwaza vegera kar a karkeran red kir. Parêzerê karkeran biryara dadgehê li Dadgeha Edliya Herêma ya Erziromê îttîraz kir. 6’emîn Daîreya Hiqûqê ya Dadgehê, biryarê nirxand û biryara hatibû dayîn guncav dît û îttîrazê red kir.&nbsp;

	&nbsp;

	AYM’Ê KARKERAN MAFDAR DÎT

	&nbsp;

	Li ser vê yekê parêzerê karkeran Diyar Orak, bi sedema ku “darizandina adîlane hatiye binpêkirin” serî li Dadgeha Destûra Bingehîn (AYM) da û serlêdana takekesî kir. AYM’ê serlêdanê bi yekdengî qebûl kir û biryara “mafê darizandinê hatiye binpêkirin” da. Her wiha AYM’ê daxwaza tazmînatê ya karkeran jî mafdar dît û qebûl kir.&nbsp;

	&nbsp;

	BIRYAR MÎNAK E

	&nbsp;

	Parêzerê karkeran Orak, têkildarî biryarê axivî û diyar kir ku biryara ji aliyê AYM’ê ve hatiye dayîn ji bo karkerên din ên ku ji kar hatine avêtin jî mînak e.&nbsp;

	&nbsp;

	MA / Mujdat Can &nbsp;

	&nbsp;