
OHD: Divê tecrîda li Îmraliyê bi dawî bibe

2020-12-30 15:09:21


	&nbsp;

	AMED - Şaxa OHD’ê ya Amedê, xwest tecrîda li Îmraliyê bi dawî bibe û hemû mafên Rêberê PKK’ê Abdullah Ocalan û girtiyan ji bo wan bên dayîn.&nbsp;

	&nbsp;

	Şaxa Komeleya Hiqûqnasên Ji Bo Azadiyê (OHD) ya Amedê, derbarê tecrîd û çalakiyên gireva birçîbûnê yên li girtîgehan dewam dikin de, li ber Bîrdariya Mafê Mirovan a li Parka Koşûyolû ya navçeya Rezanê, daxuyanî da çapemeniyê. Endam û rêveberên Partiya Demokratîk a Gelan (HDP), Partiya Herêmên Demokratîk (DBP) û gelek nûnerên rêxistinên civaka sîvîl beşdarî daxuyaniyê bûn. Hevserokê Şaxa OHD’ê yê Amedê Mûharrem Şahîn daxuyanî xwend.&nbsp;

	&nbsp;

	GIRTÎGEH DIBIN TECRÎDÊ DE NE&nbsp;

	&nbsp;

	Şahîn, diyar kir ku li Tirkiyeyê, ji bo ku qanûn û hiqûq bên bicihanîn, mirov dikevin greva &nbsp;birçîbûnê û wiha axivî: “Sedema grevên birçîbûnê yên dewam dikin, polîtîkayên tecrîda li ser Birêz Abdullah Ocalan û girtiyên din, dewam dikeye. Li gorî danayên heyî û raporên Rêxistinên Civaka Sîvîl, di girtîgehan de, li şûna bi cih anîna bergiriyên pandemiyê, pandemî ji xwe re kirin hincet û girtîgeh xistin bin tecrîd girankirî.”

	&nbsp;

	JI ENCAMÊ DESTHILATDARÎ BERPIRSIYARE

	&nbsp;

	Şahîn, da zanîn ku tekane daxwazeke çalakiyên greva birçîbûnê heye û wiha pê de çû: “Ev daxwaz, daxwaza rakirin tecrîdê ye. Ger ev daxwaz neyê pêşwazî kirin, ji encama di girtîgehan de derbikeve holê desthilatdarî berpirsiyare. Ji ber vê, divê di serî de Wezareta Dadê û hemû saziyên peywendîdar tavilê bikevin nava tevgerê û gavek şênber bavêjin.”

	&nbsp;

	QANÛN JI BO HER KESÎ DERBASDARIN

	&nbsp;

	Şahîn, bertek nîşanî ne qebûl kirina biryara DMME’yê da û wiha got: “Divê bê şert û merc biryarên DMME’yê bên bi cihanîn. Qanûn û hemû biryarên dadgehan her kesî eleqedar dike. Divê desthilatdarî, bi nêzîkatiyên keyfî, hiqûq û qanûnan bêfonksiyon neke. Pêwîste ku politikaya tecrîdê ya li Îmraliyê dewam dike bi dawî bibe. Lazime ku hemû mafên Birêz Ocalan û girtiyên din ji wan bên dayîn. Hiqûq ne ligorî desthilatdariyê ye, mecburiye. Hemû kes neçare &nbsp;ku li gorî hiqûqê tevbigere.”

	&nbsp;

	BANGA HESTIYARIYÊ

	&nbsp;

	Şahîn, xwest berî ku pirsgireke cîdî ya tenduristiyê rû bide, hiqûq bê bicihanîn û ev bang li raya giştî kir: “Di vê pirsgirêkê de, divê mafên bingehîn û azadiyê bên esasgirtin. Li ser vî esasî divê daxwazên girtiyan bên qebûlkirin. Ji bo çareserkirina vê rewşê em bang li Wezareta Dadê û raya giştî dikin ku bi hestiyar tevbigerin.”

	&nbsp;

	Daxuyanî bi dirûşmeya “Girtiyên siyasî rûmeta me ne” û lêxistina çepikan bi dawî bû.&nbsp;

	&nbsp;