
Di doza Pinar Gultekîn de daxwaza reda dadgerî hat kirin 

2021-01-04 17:14:08


	&nbsp;

	MÛGLA - Danişîna darizandina kujerê Pinar Gultekîn, Cemal Metîn Avci û birayê wî Mertcan Avci berdewam kir. Bavê Gultekîn, Siddik Gultekîn danişîn protesto kir û got:”Ev danişîn ji bom in qediyeye.” Parêzerê malbatê jî daxwaza reda dadgerî kir.&nbsp;

	&nbsp;

	Pinar Gultekîn di 16’ê tîrmeha 2020’an de li Mûglayê ji aliyê Cemal Metîn Metîn Avci ve hatibû qetilkirin. Danişîna duyemîn a doza Cemal Metîn Avci û birayê wî Mertcan Avci ku ji kuştina Gultekîn tên darizandinê li Dadgeha Cezayê Giran a 3’yemîn a Mûlgayê hat lidarxistin. Beriya Danişînê parêzerên Baroya Mûglayê, Parlamenterên HDP’ê Serpîl Kemalbay, Huda Kaya û rêveberên HDP’ê, nûnerên HDK’ê û rêveberên CHP’û nûner û rêveberên rêxistin û saziyên jinan li ber Edliya Mûglayê li hev kom bûn.&nbsp;

	&nbsp;

	'EM Ê DEST JI DOZÊ BERNEDIN'&nbsp;

	&nbsp;

	Li ber edliyê daxuyanî hat dayîn û jinan destnîşan kir ku ew ê dest ji dozê bernedin û dê rê nedin kujer werin xilaskirin. Jinan anî ziman ku ew ê li dijî kuştin, tundî û zextên li ser jinan têkoşîna xwe ya hevpar bidomînin û wê rê nedin van kuştinên ku îqtîdar hevkariyê dike. Jinan got ew zîhniyeta heyî ya îqtîdar li hember jinan bikar tê red dikin.&nbsp;

	&nbsp;

	SIDDIK GULTEKÎN DANIŞÎNÊ PROTESTO KIR&nbsp;

	&nbsp;

	Piştî daxuyaniyê beşdar derbasî eywana danişînê bûn. Xizmên Gultekîn û hevalên wê û gelek jinan negirtin eywana danişînê û li ber edliyê sekinînin.&nbsp;

	&nbsp;

	Piştî tespîta nasnameyan kujer Cemal Metîn Avci ji girtîgeha lê tê ragirtin bi rêya dîmen û deng beşdarî danişînê bû.&nbsp;

	&nbsp;

	Parêzerê malbatê Rêzan Epozdemîr li danişînê amade bû. Di danişînê de Ceren Tûnç a wek şahid hat guhdarkirin. Parêzer Epozdemîr îtîrazî şahidiya Tûnç kir û ji serokê dadgehê mafê axaftinê xwest. Serokê dadgeriyê destûr neda parêzer biaxive. Di vê navberê de bavê Pinar Gultekîn Siddik Gultekîn rabû ser pêya got “Ev danişîn ji bo min qediyaye” û eywanê terk kir.&nbsp;

	&nbsp;

	Parêzer Epozdemîr di danişînê de daxwaza reda dadgerî kir. Daxwaza parêzer şandin Dadgeha Cezayê Giran a 1’emîn û dadgehê danişînê taloqî 15’ê sibatê hat kirin.&nbsp;

	&nbsp;

	Piştî danişînê parêzerê malbatê Rêzan Epozdemîr li ber edliyê daxuyanî da û got ew ê dest ji vê dozê bernedin û dê rê nedin neheqiyê.&nbsp;

	&nbsp;

	'KÎ BÛYA JÎ WÊ TERK BIKIRA’&nbsp;

	&nbsp;

	Siddik Gultekîn jî axivî, bertek nîşanî dadgehê da û wiha got: “Ez ne bawerim em ê ji vê dadgehê edaletek baş werbigirin. Kî bûya jî wê eywanê biterkanda. Şahid îfade dide û dadger jî alîkariyê dide wê.”

	&nbsp;

	&nbsp;