
Di dosyaya KCD’ê ya Meletiyê de kesên girtî neman

2021-01-14 16:20:25


	&nbsp;

	MELETÎ – 3 siyasetmedarên kurd ên ji dosyaya KCD’ê girtîbûn, tehliye bûn. &nbsp; &nbsp; &nbsp;

	&nbsp;

	Di 10’ê cotmehda 2020’an de bi hinceta ku delegeyên KCD’ê bûn 17 kes hatibûn binçavkirin û 11 kes ji wan hatibûn girtin. Danişîna doza ku bi angaşta “endamtiya rêxistinê” û “propagandaya rêxistinê” li 17 siyasetmedarên kurd hatibû vekirin, li 5’emîn Dadgeha Cezaya Giran a Meletiyê hat dîtin. Parlamentera HDP’ê Semra Guzel û malbatên ku ji bo şopandina danişinê hatibûn edliyeyê bi hinceta şewbê wan negirtin eywana danişînê.&nbsp;

	&nbsp;&nbsp;

	Siyasetmedarên ku berdayî tên darizandin û parêzerên xwe li tevlî danişînê bûn û Alî Pîro, Ozgur Încesû û Hasan Basrî Çiplak ku li Girtîgeha Tîpa T a Akçadagê girtî ne jî bi rêya SEGBÎS’ê tevlî danişînê bûn. &nbsp;Di danişînê de xebatên siyasî yên siyasetmedaran ji wan hat pirsîn. Siyasetmedaran di parastinên xwe de destnîşan kirin ku xebatên wan ên siyasî ne sûc in û daxwaza tehliyeya xwe kirin. Parêzeran jî heman daxwazan kirin.&nbsp;

	&nbsp;

	Heyeta dadgehê, piştî parastinan daxwaza tehliyeyê ya her sê siyasetmedarên kurd qebûl kir û biryara tehliyekirina wan da û danişînê taloqî 19’ê adarê kir.

	&nbsp;

	&nbsp;